ଆଠଗଡ: ଆଠଗଡ ପୁଲିସ ପକ୍ଷରୁ ଗତ ୨ଦିନ ମଧ୍ୟରେ ବିଭିନ୍ନ ସ୍ଥାନରେ ଚଢାଉ କରାଯାଇ ୪୫ଲିଟର ମଦ ସହିତ ୨ଜଣଙ୍କୁ ଗିରଫ କରିଥିବା ଜଣାପଡିଛି। ଆଇଆଇସି ଅନିରୁଦ୍ଧ ମୁଦୁଲିଙ୍କ ନିର୍ଦ୍ଦେଶକ୍ରମେ ଉପନିରୀକ୍ଷକ ଶକୁନ୍ତଳା ଦାସ ରବିବାର ଏନଏସିର ୧୧ନଂ ୱାର୍ଡ ଅନ୍ତର୍ଗତ ବଢେଇତୋଟାରେ ଚଢାଉ କରି ବିନୋଦ ନାଏକଠାରୁ ୨୦ଲିଟର ଦେଶୀମଦ ଜବତ କରିବା ସହ ତାକୁ ଗିରଫ କରିଥିଲେ। ସେହିପରି ସୋମବାର ଧାଇପୁର ପଞ୍ଚାୟତ ଅନ୍ତର୍ଗତ ଗଦାଧରପୁର ଗ୍ରାମ ନିକଟରେ ବେଣ୍ଟପଦା ରାସ୍ତାରେ ଏକ ଆକ୍ଟିଭା ସ୍କୁଟିରେ ୨୫ଲିଟର ମଦ ଚାଲାଣ କରୁଥିବା ଚନ୍ଦନ ସ୍ୱାଇଁଙ୍କୁ ମଦ ସହିତ ଗରିଫ କରିବା ସଙ୍ଗେ ସଙ୍ଗେ ସ୍କୁଟିଟିକୁ ଜବତ କରିଥିଲେ। ଉଭୟଙ୍କୁ କୋର୍ଟ ଚାଲାଣ କରାଯାଇଥିବା ଜଣାପଡିଛି।
Popular Categories
Previous article
Next article