ସମାଜ ଡିଜିଟାଲ ଡେସ୍କ: ପହଲଗାଓଁ ଆକ୍ରମଣକୁ ନେଇ ଏଆଇଏମଆଇଏମ ମୁଖ୍ୟ ତଥା ହାଇଦ୍ରାବାଦ ସାଂସଦ ଅସଉଦ୍ଦିନ ପାକିସ୍ତାନ ସେନାକୁ ବାରମ୍ବାର ଟାର୍ଗେଟ କରିଆସୁଛନ୍ତି। ସେ ପାକିସ୍ତାନର ତୁଳନା ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ(ଆଇଏସ) ସହିତ କରିଛନ୍ତି। ବର୍ତ୍ତମାନ ପାକ୍ ସେନା ମୁଖ୍ୟ ଅସିମ ମୁନିରଙ୍କୁ ବି ସେ ତୀବ୍ର ସମାଲୋଚନା କରିଛନ୍ତି। ଓୱେସୀ ବର୍ତ୍ତମାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ଵାଧୀନ ସରକାରଙ୍କ ନିକଟରେ ଦାବି କରିଛନ୍ତି ଯେ, ପାକିସ୍ତାନ ବିରୋଧରେ ନିର୍ଣ୍ଣାୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ୨୦୧୯ ପଠାନକୋଟ ଆକ୍ରମଣ ଏବଂ ଭାରତର ଏୟାରଷ୍ଟ୍ରାଇକକୁ ଉଦାହରଣ ଦେଇ ୱୱେସୀ କହିଛନ୍ତି, ଏଥର କିନ୍ତୁ କେବଳ ପାକିସ୍ତାନ ଘରେ ପଶି ମାରନାହିଁ, କବଜା କର। ୨୦୧୯ରେ ଆମ ନିକଟରେ ସୁଯୋଗ ଥିଲା। ଯେଉଁଠାରୁ ଆମ ଦେଶକୁ ଆତଙ୍କୀ ଆସୁଛନ୍ତି, ସେହି ଅଞ୍ଚଳକୁ ଆମେ କବଜା କରିନେବାର ଥିଲା। ମୋଦୀ ସରକାରକୁ ଏତିକି କହିବାକୁ ଚାହୁଁଛି, ଏଥର ଯଦି ଆମେ ତାଙ୍କ ଘରେ ପଶୁଛେ, ତେବେ ଆମକୁ ସେଠାରେ ବସିଯିବାର ଅଛି। ସେହି ଅଞ୍ଚଳକୁ ଦଖଲକୁ ନେବାର ଅଛି। ପାକ୍ ଅଧିକୃତ କାଶ୍ମୀର(ପିଓକେ) ସମ୍ପର୍କରେ ଓୱେସୀ କହିଥିଲେ, ପିଓକେ ଭାରତ ଅଂଶ ଏବଂ ଏହା ଆମ ସଂସଦର ସଙ୍କଳ୍ପ। ପିଓକେ ଦେଶର ଅଭିନ୍ନ ଅଂଶ। ଏହାକୁ କେହି ମନା କରିପାରିବେ ନାହିଁ।
Popular Categories
Previous article
Next article