ନୂଆଦିଲ୍ଲୀ : କରୋନା ସଂକ୍ରମଣର ମୁକାବିଲା ପାଇଁ ଭାରତ ସରକାର ଆରୋଗ୍ୟ ସେତୁ ମୋବାଇଲ୍ ଆପ୍ ଲଞ୍ଚ କରିଥିଲେ। ବର୍ତ୍ତମାନ ଏହି ଆପ୍ ଏକ ନୂତନ ରେକର୍ଡ ସୃଷ୍ଟି କରିଛି। ଲଞ୍ଚ ହେବାର ଏକ ମାସ ମଧ୍ୟରେ ୩ କୋଟି ଜିଓ ଫୋନ୍ ବ୍ୟବହାରକାରୀ ଏହି ଆପ୍ ଡାଉନଲୋଡ୍ କରିସାରିଛନ୍ତି। ଏହା ସହିତ ଏହି ଆପ୍ ଦୁନିଆର ୧୦ଟି ସର୍ବାଧିକ ଡାଉନଲୋଡ୍ ହୋଇଥିବା ଆପ୍ ତାଲିକାରେ ମଧ୍ୟ ଅନ୍ତର୍ଭୁକ୍ତ ହୋଇଛି। ଏହାପୂର୍ବରୁ, ଆରୋଗ୍ୟ ସେତୁ ଆପ୍ ୧୦ କୋଟି ଆଣ୍ଡ୍ରଏଡ୍ ବ୍ୟବହାରକାରୀଙ୍କ ଦ୍ୱାରା ଡାଉନଲୋଡ୍ ହୋବାର ରେକର୍ଡ କରିଥିଲା।
ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରଣାଳୟ ପକ୍ଷରୁ ଟ୍ୱିଟ୍ କରି କୁହାଯାଇଛି ଯେ, ଆରୋଗ୍ୟ ସେତୁ ମୋବାଇଲ୍ ଆପକୁ ଏପର୍ଯ୍ୟନ୍ତ ୩ କୋଟି ଜିଓ ଫୋନ୍ ବ୍ୟବହାରକାରୀ ଡାଉନଲୋଡ୍ କରିସାରିଛନ୍ତି। ମନ୍ତ୍ରଣାଳୟ ଆହୁରି କହିଛି ଯେ କରୋନା ବିରୋଧରେ ଚାଲିଥିବା ଯୁଦ୍ଧରେ ଏହା ଆମର ପ୍ରମୁଖ ଅସ୍ତ୍ର।
#AarogyaSetu App is now trusted by 30 Million Jio Phone users.
Join the fight against #Coronavirus and download the @SetuAarogya App today on KaiOS Platform, Jio Phones.#SetuMeraBodyguard @reliancejio @_DigitalIndia pic.twitter.com/oA5TG9j82Z
— Ministry of Electronics & IT (@GoI_MeitY) June 8, 2020
ଆରୋଗ୍ୟ ସେତୁ ମୋବାଇଲ୍ ଆପ୍ କ’ଣ?
କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ଆରୋଗ୍ୟ ସେତୁ ଆପ୍ ଡିଜାଇନ୍ କରାଯାଇଛି। ଆରୋଗ୍ୟ ସେତୁ ଆପ୍ ଲୋକମାନଙ୍କୁ କହିବ ଯେ ଆପଣ କରୋନା ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିଛନ୍ତି କି ନାହିଁ। ଏହା ବ୍ୟତୀତ, ଆପଣ ଏହି ଆପ୍ ସହିତ କରୋନା ସଂକ୍ରମଣର କେତେ ବିପଦ ଅଛି ତାହା ମଧ୍ୟ ଜାଣିପାରିବେ।
ଏହା କିପରି କାର୍ଯ୍ୟ କରେ?
ଆରୋଗ୍ୟ ସେତୁ ଆପ୍ ହିନ୍ଦୀ, ଇଂରାଜୀ ଏବଂ ଓଡିଆ ସହିତ ୧୧ ଟି ଭାଷାରେ ଉପଲବ୍ଧ। ଏହି ଆପରେ କରୋନା ଭୂତାଣୁ ରୋକିବା ପ୍ରଣାଳୀ ବିଷୟରେ ମଧ୍ୟ ଉଲ୍ଲେଖ କରାଯାଇଛି। ଏହା ବ୍ୟତୀତ, ଏହି ଆପ୍ ଆପଣଙ୍କର ଅବସ୍ଥାନ ଏବଂ ଭ୍ରମଣ ଇତିହାସ ଉପରେ ଆଧାର କରି ଆପଣ କରୋନା ସଂକ୍ରମଣର ବିପଦରେ ଅଛନ୍ତି କି ନାହିଁ ଜଣାଇଦେବ। ଗୁଗୁଲ୍ ପ୍ଲେ ଷ୍ଟୋରରୁ ଆପ୍ ଡାଉନଲୋଡ୍ କରିବା ପରେ ଆପଣଙ୍କୁ ନାମ ଏବଂ ମୋବାଇଲ୍ ନମ୍ବର ସହିତ ପଞ୍ଜିକରଣ କରିବାକୁ ପଡିବ। ଏହା ପରେ, ଭାଷା ଚୟନ କରିବାକୁ ପଡିବ। ଆପ୍ ଖୋଲିବା ସମୟରେ, ଆପ୍ ବ୍ୟବହାରକାରୀ ରହୁଥିବା ଅଞ୍ଚଳରେ ଭୂତାଣୁ ସଂକ୍ରମଣ ହେବାର ଆଶଙ୍କା ଅଛି କି ନାହିଁ ସୂଚନା ଦେବ ।
