କାର୍ତ୍ତିକ ମାସର ଅମର ଫଳ ହେଉଛି ଅଅଁଳା । ପୌରାଣିକ ଦୃଷ୍ଟିକୋଣରୁ ଅଅଁଳା ଫଳକୁ ରତ୍ନ ଭଳି ମୂଲ୍ୟବାନ ବୋଲି କୁହାଯାଇଛି । ଶଙ୍କରାଚର୍ଯ୍ୟ ଏହି ଫଳକୁ ସୂର୍ଣ୍ଣରେ ପରିବର୍ତ୍ତିତ କରିଥିଲେ ବୋଲି ମଧ୍ୟ ମାନ୍ୟତା ରହିଛି । କାର୍ତ୍ତିକ ମାସରେ ଅଅଁଳାର ବ୍ୟବହାର ଅନୁକୂଳ ହୋଇଥାଏ ବୋଲି କୁହାଯାଏ । ଏହି ଫଳର ସଠିକ୍ ପ୍ରୟୋଗ ଦ୍ବାରା ଆୟୁ, ସୌନ୍ଦର୍ଯ୍ୟ ଏବଂ ଉତ୍ତମ ସ୍ବ୍ୟସ୍ଥ ପ୍ରାପ୍ତି ହୋଇଥାଏ ।
ଅଅଁଳାରେ ଭିଟାମିନ୍ ସି ଭରପୁର ମାତ୍ରାରେ ରହିଥାଏ । ଯାହା ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସହାୟକ ହୁଏ । ଏହି ଫଳକୁ ନିୟମିତ ସେବନ କରିବା ଦ୍ବାରା ରୋଗ ହୋଇନଥାଏ । ଏହା ସହ କେଶ ଲମ୍ବା ହେବା ଓ ଘନ ମଧ୍ୟ ହୋଇଥାଏ । ତ୍ବଚା ନମନୀୟ ଏବଂ ସୁନ୍ଦର ହୋଇଥାଏ ।
କାର୍ତ୍ତିକ ଶୁକ୍ଳ ନବମୀ ତିଥିକୁ ଅଅଁଳା ନବମୀ ବୋଲି କୁହାଯାଏ । ଚଳିତ ବର୍ଷ ନଭେମ୍ବର ୧୭ ତାରିଖରେ ଅଅଁଳା ନବମୀ ପର୍ବ ପାଳନ କରାଯିବ ।
ମନ୍ୟତା ଅନୁଯାୟୀ ଏହି ଦିନ ଦ୍ବାପର ଯୁଗର ଆରମ୍ଭ ହୋଇଥିଲା । ଅଅଁଳା ନବମୀର ଗୋଟିଏ ଦିନ ପରେ ଭଗବାନ କୃଷ୍ଣ ଅତ୍ୟାଚାରୀ ମାମୁଁ କଂସର ବଦ୍ଧ କରିଥିଲେ ।
ଏହି ଦିନ ଅଅଁଳା ବୃକ୍ଷ ମୂଳରେ ଭୋଜନ ପ୍ରସ୍ତୁତ କରିବା ଏବଂ ଭୋଜନ କରିବା ବିଶେଷ ଶୁଭ ବୋଲି ମାନ୍ୟତା ରହିଛି ।
ଏହି ଦିନ ପାଣି କଖାରୁ ଦାନ କରିବା ଅତ୍ୟନ୍ତ ଶୁଭ ବୋଲି କୁହାଯାଏ ।
ଅଅଁଳା ନବମୀର ପୂଜା ବିଧି
ଏହି ଦିନ ପ୍ରତଃକାଳରେ ସ୍ନାନ ସାରି ପୂଜା କରନ୍ତୁ ।
ଅଅଁଳା ବୃକ୍ଷ ମୂଳରେ ପୂର୍ବ ମୁଖା ହୋଇ ଜଳ ଅର୍ପଣ କରନ୍ତୁ ।
ଅଅଁଳା ବୃକ୍ଷକୁ ସାତ ଥର ପରିକ୍ରମା କରିବା ସହ କର୍ପୁର ଆଳତି କରନ୍ତୁ ।
ବୃକ୍ଷ ତଳେ ଗରିବଙ୍କୁ ଭୋଜନ କରାନ୍ତୁ ଏବଂ ନିଜେ ମଧ୍ୟ ଭୋଜନ କରନ୍ତୁ ।
