ନୂଆଦିଲ୍ଲୀ: ରୁଷ ପରେ ଭାରତକୁ ସୁଲଭ ମୂଲ୍ୟରେ ତୈଳ କ୍ରୟ ପାଇଁ ଆମେରିକା ପ୍ରସ୍ତାବ ଦେଇଛି । ଅଶୋଧିତ ତୈଳ କ୍ରୟ ଉପରେ ରୁଷ ବ୍ୟାରେଲ ପିଛା ୩୫ ଡଲାର ରିହାତି ଅଫର ଦେଇଥିବା ବେଳେ ବର୍ତ୍ତମାନ ଆମେରିକା ଭାରତକୁ ୧୮ କୋଟି ବ୍ୟାରେଲ ଅଶୋଧିତ ତୈଳ ଯୋଗାଇବ ବୋଲି କହିଛି । ଖାଲି ଭାରତ ନୁହେଁ ଅନେକ ଦେଶକୁ ଆମେରିକା ଏନେଇ ପ୍ରସ୍ତାବ ଦେଇଥିବା କୁହାଯାଉଛି ।
ମିଳିଥିବା ସୂଚନା ଅନୁସାରେ ଅଶୋଧିତ ତୈଳର ମୂଲ୍ୟ ହ୍ରାସ କରିବାକୁ ଆମେରିକା ତୈଳ ଯୋଗାଇବାକୁ ଚାହୁଁଛି । ଏଥିପାଇଁ ଆମେରିକା ଭାରତ ସହିତ କିଛି ଦେଶ ମାନଙ୍କ ସହ ଯୋଗାଯୋଗ କରୁଛି । ରୁଷ ଓ ୟୁକ୍ରେନ୍ ମଧ୍ୟରେ ଯୁଦ୍ଧ ହେତୁ ଅଶୋଧିତ ତୈଳର ମୂଲ୍ୟ ବୃଦ୍ଧି ପାଇଛି । ତେଣୁ ବଜାରରେ ଅଶୋଧିତ ତୈଳର ମୂଲ୍ୟ ହ୍ରାସ କରିବାକୁ ଆମେରିକା ରାଷ୍ଟ୍ରପତି ଜୋ. ବାଇଡେନ୍ ଚାହୁଁଛନ୍ତି ।
ତୈଳ ଯୋଗାଣକୁ ନେଇ ବାଇଡେନ୍ ନିଜର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଆମେ ଏନେଇ ଭାରତ ସରକାରଙ୍କୁ ପ୍ରସ୍ତାବ ଦେଇଛୁ । ଭାରତକୁ ଅଶୋଧିତ ତୈଳ ସୁଲଭ ମୂଲ୍ୟରେ ଯୋଗାଇବାକୁ କୁହାଯାଇଛି ।
