ବାଗ୍ଦାଦ: ଇରାକରେ ଆତଙ୍କବାଦୀ ସଙ୍ଗଠନ ଇସ୍ଲାମିକ ଷ୍ଟେଟ୍ (ଆଇଏସ) କ୍ୟାମ୍ପ ଉପରେ ଆମେରିକା ପୁଣି ଥରେ ଏୟାରଷ୍ଟ୍ରାଇକ କରିଥିବା ଜଣାପଡିଛି । ଆଇଏସ କ୍ୟାମ୍ପ ଉପରେ ଆମେରିକା ୩୬ ହଜାର କିଲୋଗ୍ରାମର ବୋମା ପକାଯାଇଛି । ଏହି ସବୁ ବୋମା ଆମେରିକା ନିଜର ଆଧୁନିକ ଏଫ-୩୫ ଓ ଏଫ-୧୫ ଲଢୁଆ ବିମାନରୁ ପକାଇଛି । ମିଳିଥିବା ସୂଚନା ଅନୁଯାୟୀ, ଇରାକର ଦିଗଡି ନଦୀ ମଧ୍ୟରେ ଥିବା ଏକ ଦ୍ୱୀପରେ ଆମେରିକା ଏହି ବୋମା ପକାଇଛି । ଆଇଏସ ବିରୋଧରେ ଚାଲିଥିବା ଆମେରିକାର ଅଭିଯାନ ଆଧାରରେ ସେପ୍ଟେମ୍ବର ୧୦ରେ ଅର୍ଥାତ୍ ମଙ୍ଗଳବାର ଦିନ ଇରାକ ଉପରେ ଏହି ଆକ୍ରମଣ ହୋଇଛି । ଆମେରିକାର ଏହି ଏୟାରଷ୍ଟ୍ରାଇକକୁ ଇରାକ ସୁରକ୍ଷାକର୍ମୀମାନେ ମଧ୍ୟ ସମର୍ଥନ ଜଣାଇଥିଲେ ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଇରାକର ମୋସୁଲରେ ସୀରିୟା ଏବଂ ଜଜୀରା ମରୁଭୂମି ଅଞ୍ଚଳ ବ୍ୟତୀତ କିର୍କୁକ ଏବଂ ମଖମୋରରେ ଆଇଏସ କ୍ୟାମ୍ପ ଗଢି ଉଠିଥିବା ନେଇ ଆମେରିକା ନିକଟରେ ଖବର ଥିଲା। ଇରାକର ସମସ୍ତ ଆଇଏସ କ୍ୟାମ୍ପକୁ ଧ୍ବଂସ କରିବାକୁ ଆମେରିକାର ଲକ୍ଷ୍ୟ ଥିଲା।
VIDEO: Here’s what it looks like when @USAFCENT #F15 and #F35 jets drop 36,000 Kg of bombs on a Daesh infested island. ?? هكذا تبدوا الجزيرة الموبوءة بداعش بعد أن أسقطت عليها الطائرات المقاتلة #أف-15 و #أف-35 36,000 كغم من الذخيرة pic.twitter.com/2v6FAEL9Rn
— OIR Spokesman Col. Myles B. Caggins III (@OIRSpox) 10 September 2019
ଆମେରିକା ଓ ଇରାକ ମଧ୍ୟରେ ହୋଇଥିବା ବୁଝାମଣା ପରେ ଏହି ଅଞ୍ଚଳରେ ଦ୍ୱିତୀୟ ଥର ପାଇଁ ବଡ ଧରଣର ଏୟାରଷ୍ଟ୍ରାଇକ ହୋଇଛି । ଇରାକର ପ୍ରଧାନମନ୍ତ୍ରୀ ହାଇଦର-ଅଲ-ବାବଦୀ ଆଇଏସ ସଂପୂର୍ଣ୍ଣ ବିନାଶ ହୋଇଯାଇଥିବା ନେଇ ୨୦୧୭ରେ ଦାବି କରିଥିଲେ ମଧ୍ୟ ଏପରି ହୋଇନଥିଲା । ଏହି ଅଞ୍ଚଳରେ ଆଇଏସର ଅନେକ ସଂଖ୍ୟାରେ ସ୍ଲିପର ସେଲ୍ ରହିଥିଲେ। ଏହି ସେଲ୍ ଆତଙ୍କବାଦକୁ ଜୀବନ୍ତ ରଖିଥିଲେ ।
ପ୍ରଥମ ଥର ଆଇଏସ ମୁକାବିଲା ପାଇଁ ଆମେରିକା ଏଫ-୩୫ର ବ୍ୟବହାର କରିଛି । ଲଢୁଆ ବିମାନ ଏଫ-୩୫ରେ ୮,୧୦୦ କିଲୋଗ୍ରାମର ଅସ୍ତ୍ରଶସ୍ତ୍ର ନେବାର ସକ୍ଷମ ରହିଥିବା ବେଳେ ଏଫ-୧୫ ଲଢୁଆ ବିମାନରେ ୧୩,୩୮୦ କିଲୋଗ୍ରାମର ସକ୍ଷମ ରହିଛି । ଏହା ପୂର୍ବରୁ ଗତ ବର୍ଷ ସେପ୍ଟେମ୍ବର ମାସରେ ଆଫଗାନିସ୍ତାନର ତାଲିବାନ ଉପରେ ଆକ୍ରମଣ ବେଳେ ଆମେରିକା ଏଫ-୩୫ ଲଢୁଆ ବିମାନର ବ୍ୟବହାର କରିଥିଲା।
