ଚେନ୍ନାଇ: ଏୟାର ଇଣ୍ଡିଆର ଏକ ବିମାନ ଦୁର୍ଘଟଣାରେ ଗୁରୁତର କ୍ଷତିଗ୍ରସ୍ତ ହେବା ପରେ ମଧ୍ୟ ତିନି ଘଣ୍ଟା ଉଡ଼ିଥିଲା। ଟ୍ରାଫିକ କଣ୍ଟ୍ରୋଲ୍ ରୁମ୍ର ନିର୍ଦେଶ ପରେ ବିମାନକୁ ଫେରାଇ ଅଣାଯାଇଛି।
ତାମିଲନାଡ଼ୁର ତ୍ରିଚି ବିମାନ ବନ୍ଦରରୁ ୧୩୬ ଜଣ ଯାତ୍ରୀଙ୍କୁ ନେଇ ଦୁବାଇ ଅଭିମୁଖେ ଯାଉଥିବା ଏୟାର ଇଣ୍ଡିଆର ୭୩୭ ବୋଇଂ ବିମାନଟି ଉଡ଼ାଣ ଆରମ୍ଭ କରିବା ବେଳେ ବିମାନବନ୍ଦର କାନ୍ଥରେ ପିଟି ହୋଇଯାଇଥିଲା। କିନ୍ତୁ ଏ ସର୍ମ୍ପକରେ ବିମାନର ପାଇଲଟ୍ ଜାଣିପାରି ନ ଥିଲେ। ଇଞ୍ଜିନ୍ରେ ବିଶେଷ କିଛି କ୍ଷୟକ୍ଷତି ହୋଇ ନଥିବାରୁ ବିନା ତ୍ରୁଟିରେ ଆକାଶରେ ଉଡ଼ିଥିଲା। ଅଘଟଣ ଆଶଙ୍କାରେ ପ୍ରାୟ ତିନିଘଣ୍ଟା ପରେ ବିମାନକୁ ଫେରାଇ ଆଣିବାକୁ ପାଇଲଟଙ୍କୁ କୁହାଯାଇଥିଲା। ନିର୍ଦେଶ ଆଧାରରେ ବିମାନକୁ ପାଇଲଟ୍ ମୁମ୍ବଇ ବିମାନ ବନ୍ଦରକୁ ଫେରାଇ ଆଣିଥିଲେ।
ମୁମ୍ବାଇ ବିମାନ ବନ୍ଦରରେ ଯାଞ୍ଚ କରିବା ପରେ ଦୁର୍ଘଟଣାରେ ବିମାନର ଏକାଧିକ ଗୁରୁତ୍ୱପୂର୍ଣ୍ଣ ଅଂଶ ଗୁରୁତର କ୍ଷତିଗ୍ରସ୍ତ ହୋଇଥିବା ଜଣାପଡ଼ିଛି। ଏତେ ସବୁ ସତ୍ତେ୍ୱ ବିମାନ ସୁରୁଖୁରୁରେ ଉଡ଼ିଥିଲା। ସୌଭାଗ୍ୟବଶତଃ ଯାତ୍ରୀମାନେ ଏକ ବଡ଼ ଧରଣର ଦୁର୍ଘଟଣାରୁ ରକ୍ଷା ପାଇଛନ୍ତି। ପାଇଲଟ୍ ଓ ସହ ପାଇଲଟ୍ଙ୍କୁ ସାମୟିକ ଭାବେ ଅବ୍ୟାହତି ଦିଆଯାଇଛି। ଘଟଣାର ତଦନ୍ତ କରାଯାଉଛି।
ଦୁର୍ଘଟଣା ପରେ ୩ ଘଣ୍ଟା ଉଡ଼ିଲା ବିମାନ, ବର୍ତ୍ତିଲେ ଯାତ୍ରୀ
Popular Categories
Previous article
Next article