ଖଣ୍ଡ ଖଣ୍ଡ ହୋଇଗଲା ମୁହଁ, ଚାର୍ଜିଂ ବେଳେ କଥା ହେଉଥିବା ହେଲା କାଳ – ମୋବାଇଲ୍ ବ୍ୟାଟେରୀ ଫାଟି ମୃତ୍ୟୁ
ଜୟପୁର – ରାଜସ୍ଥାନ ଜୟପୁରରେ ଏକ ଅଭାବନୀୟ ଘଟଣା ଘଟିଛି । ମୋବାଇଲ୍ ଚାର୍ଜିଂ ବେଳେ ଜଣେ ବ୍ୟକ୍ତି କଥା ହେଉଥିବା ବେଳେ ତାଙ୍କର ମୃତ୍ୟୁ ହୋଇଛି । ମୃତ୍ୟୁ ବି ଅତି ବିଭତ୍ସ ଭାବେ । ୬୮ ବର୍ଷିୟ ଏହି ବ୍ୟକ୍ତି ମୋବାଇଲ୍କୁ ଚାର୍ଜିଂରେ ବସାଇ କଥା ହେଉଥିଲେ, ଏହି ସମୟରେ ମୋବାଇଲ୍ ବ୍ୟାଟେରୀ ଅତ୍ୟଧିକ ତାତି ଯାଇ ଫାଟିଯାଇଥିବା ସନ୍ଦେହ କରାଯାଉଛି । ଏଥିରେ ବ୍ୟକ୍ତିଜଣଙ୍କର ମୁହଁ ସହ ଶରୀରର ଉପର ଅଂଶ ଛିଣ୍ଡି ଖଣ୍ଡ ଖଣ୍ଡ ହୋଇଯାଇଥିଲା । ଘର ନିକଟରେ ହାଇଭୋଲଟେଜ୍ ତାର ଯାଇଥିବାରୁ ତାଙ୍କ ଘରେ ଅଧିକ ବିଦ୍ୟୁତ୍ ହଠାତ୍ ସରୋବରାହ ହୋଇ ଏପରି ହୋଇଥାଇ ପାରେ ବୋଲି ପୁଲିସ କହିଛି ।
ଦୟାରାମ ବରୋଦ ନାମର ବ୍ୟକ୍ତି ମୋବାଇଲ୍କୁ ଚାର୍ଜରେ ବସାଇ କଥା ହେଉଥିଲେ । ତାଙ୍କ ସାଙ୍ଗଙ୍କ ସହ ତାଙ୍କର ବାହାରକୁ ଯିବାର ଥିଲେ । ସାଙ୍ଗ୍ ତାଙ୍କୁ କଲ୍ କଲାବେଳେ କୌଣସି ଉତ୍ତର ମିଳି ନଥିଲା । ସେ ତାଙ୍କ ଘରେ ପହଞ୍ଚିବା ବେଳକୁ ଦୟାରମ ମୃତ ଅବସ୍ଥାରେ ପଡିଥିଲେ । ତାଙ୍କ ମୁହଁ ଛିନ୍ଛତର୍ ହୋଇ ଖଣ୍ଡ ଖଣ୍ଡ ହୋଇଯାଇଥିବା ବେଳେ ଶରୀର ଉପର ଅଂଶ ଜଳିବା ପରି ହୋଇଥିଲା । ମୋବାଇଲ୍ ମଧ୍ୟ ଟୁକୁରା ଟୁକୁରା ହୋଇ ତାଙ୍କ ପାଖରେ ପଡିଥିଲା । ସଙ୍ଗେ ସଙ୍ଗେ ଏ ବିଷୟରେ ପୁଲିସକୁ ସୂଚନା ଦିଆଯାଇଥିଲା । ପୁଲିସ ଫୋରେନ୍ସିକ୍ ଟିମ୍ ସହ ଘଟଣାର ତଦନ୍ତ ଆରମ୍ଭକରିଥିଲା ।
ପ୍ରାଥମିକ ତଦନ୍ତରୁ ମୋବାଇଲ୍ ଫାଟି ତାଙ୍କର ମୃତ୍ୟୁ ହୋଇଥିବା ପୁଲିସ ସୂଚନା ଦେଇଛି । ବଡନଗରର ପୁଲିସ ଆଇଆଇସି ମନୀଷ ମିଶ୍ର ଏ ବିଷୟରେ ସୂଚନା ଦେଇଛନ୍ତି । ତାଙ୍କ ଘର ଉପରେ ୧୧ କେଭିର ତାର ଯାଇଛି । ତାହା ଯୋଗୁଁ ହଠାତ୍ ଘରେ ଅତ୍ୟଧିକ ବିଦ୍ୟୁତ୍ ସରୋବରାହ ହୋଇ ଏପରି ହୋଇ ଥାଇପାରେ ବୋଲି ପୁଲିସ ସନ୍ଦେହ କରୁଛି ।
Comments are closed.