ନୂଆଦିଲ୍ଲୀ: ତୃଣମୂଳ କଂଗ୍ରେସର ପୂର୍ବ ରାଜ୍ୟସଭା ସାଂସଦ କେ.ଡ଼ି.ସିଂହଙ୍କୁ ଗିରଫ କରିଛି ପ୍ରବର୍ତନ ନିର୍ଦେଶାଳୟ । ମନି ଲଣ୍ଡରିଂ ମାମଲାରେ ତାଙ୍କୁ ଗିରଫ କରାଯାଇଥିବା କୁହାଯାଉଛି । ସୂଚନା ଅନୁସାରେ ପ୍ରବର୍ତନ ନିର୍ଦେଶାଳୟ ଏକ ନିର୍ଦିଷ୍ଟ ପ୍ରସଙ୍ଗରେ ଅର୍ଥ କାରବାର ସମ୍ପର୍କରେ କେ.ଡ଼ି.ସିଂହଙ୍କୁ ପଚରାଉଚରା କରିଥିଲା । ମାତ୍ର ଏହି ଅର୍ଥ ନେଣଦେଣର ସୂଚନା ଦେବାରେ କେ.ଡ଼ି.ସିଂହ ବିଫଳ ହୋଇଥିଲେ । ଏହାପରେ ତାଙ୍କୁ ଗିରଫ କରାଯାଇଥିଲା।
ଏହାପୂର୍ବରୁ ପ୍ରବର୍ତନ ନିର୍ଦେଶାଳୟ କେ.ଡ଼ି.ସିଂହଙ୍କ ସମ୍ପତ୍ତି ଜବତ କରିଛି । ଜବତ ହୋଇଥିବା ୨୩୯ କୋଟି ଟଙ୍କାର ସଂପତ୍ତି ମଧ୍ୟରେ ରିସର୍ଟ, ବିଭିନ୍ନ କମ୍ପାନୀର ଶୋ ରୁମ୍, ବ୍ୟାଙ୍କ ଜମା ଅନ୍ତର୍ଭୁକ୍ତ । କେ.ଡ଼ି.ସିଂହଙ୍କ ବିଭିନ୍ନ କମ୍ପାନୀ ଉପରେ ମଧ୍ୟ ପ୍ରବର୍ତନ ନିର୍ଦେଶାଳୟ ଚଢ଼ଉ କରିଛି । ତାଙ୍କ କମ୍ପାନୀ ଅଲକେମିଷ୍ଟ ଇନଫ୍ରା ରିୟଲିଟି ଲିମିଟେଡ଼୍ ଉପରେ ପ୍ରବର୍ତନ ନିର୍ଦେଶାଳୟ ୨୦୧୬ରେ ମକଦ୍ଦମା ରୁଜୁ କରିଥିଲା । ଏହି କମ୍ପାନୀ ବିଭିନ୍ନ ଲୋକଙ୍କଠାରୁ ପ୍ରାୟ ୧୯୦୦ କୋଟି ଟଙ୍କା ଠକି ନେଇଥିବା ଅଭିଯୋଗ ହୋଇଥିଲେ । ସେବି ପକ୍ଷରୁ କମ୍ପାନୀର ନିର୍ଦେଶକ, କମ୍ପାନୀ ଓ ଏହାର ଅଂଶୀଦାରଙ୍କ ଉପରେ ମାମଲା ରୁଜୁ ହୋଇଥିଲା ।
Comments are closed.