ଦ୍ୱାରଶୁଣି/କଳାବାଡ଼ିଆ : ବାଙ୍ଗିରିପୋଷି ଥାନା ସାତଭାୟା ଛକ ନିକଟରେ ଏକ ସଡ଼କ ଦୁର୍ଘଟଣା ଘଟିଛି। ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ଜଣେ ଆହତ ହୋଇଛନ୍ତି। ମୃତକ ହେଲେ ଇଟାମୁଣ୍ଡିଆ ଗ୍ରାମର ସୁନା ସିଂ। ଆହତ ହୋଇଥିବା ବ୍ୟକ୍ତି ହେଲେ ସୁନ୍ଦର ମୋହନ ସିଂ। ଏହି ଦୁଇ ଜଣ ବ୍ୟକ୍ତି ଏକ ବାଇକରେ ଜଣେ ସଂପର୍କୀୟଙ୍କ ସୁଦ୍ଧକ୍ରିୟାରେ ଯୋଗ ଦେବାକୁ ବାଙ୍ଗିରିପୋଷି ଯାଉଥିଲେ। ସାତଭାୟା ଛକ ନିକଟରେ ଜଣେ ବ୍ୟକ୍ତି ବାଉଁଶ ନେଇ ରାସ୍ତାପାର ହେଉଥିବା ବେଳେ ବାଉଁଶଟି ବାଇକ ପଛରେ ବସିଥିବା ସୁନା ସିଂଙ୍କ ଶରୀରରେ ପସି ଯାଇଥିଲା। ଗୁରୁତର ଅବସ୍ଥାରେ ତାଙ୍କୁ ବାଙ୍ଗିରିପୋଷି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଲିସ ଘଟଣାର ତଦନ୍ତ ଆରମ୍ଭ କରିଥିବା ସୂଚନା ମିଳିଛି।
Popular Categories
Previous article
Next article