ଫୁଲବାଣୀ: ରାଜ୍ୟ ସରକାର ଯୁକ୍ତ ୩ ଶେଷ ବର୍ଷର ପରୀକ୍ଷା କରାଇବାକୁ ନିଷ୍ପତି କରିଥିବା ବେଳେ ଫୁଲବାଣୀ ସରକାରୀ ମହାବିଦ୍ୟାଳୟ କର୍ତ୍ତୃପକ୍ଷ କେବଳ ୫୦ କିମି ଦୂରରୁ ଆସୁଥିବା ପରୀକ୍ଷାର୍ଥୀଙ୍କ ପାଇଁ ହିଁ ହଷ୍ଟେଲ ବ୍ୟବସ୍ଥା ଯୋଗାଇ ଦିଆଯିବ ବୋଲି ବିଜ୍ଞପ୍ତି ପ୍ରକାଶ କରିଥିବାରୁ ଏହାକୁ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ବିରୋଧ କରିଛି। ମହାମାରୀ କରୋନା ଯୋଗୁଁ ବସ ଚଳାଚଳ ସ୍ୱାଭାବିକ ହୋଇ ନାହିଁ। ପରୀକ୍ଷାର୍ଥୀ ପରୀକ୍ଷା ଦେବାକୁ ଯାତାୟରେ ଅସୁବିଧା ହେବ। ତେଣୁ ୫୦ କିମି ପରିବର୍ତେ ୧୦ କିମି ଦୂରରୁ ଆସୁଥିବା ପରୀକ୍ଷାର୍ଥୀଙ୍କ ପାଇଁ ହଷ୍ଟେଲ ସୁବିଧା ଯୋଗାଇ ଦେବାକୁ ପରିଷଦ ଦାବି କରିଛି। ଏଥି ସହ ମହାମାରୀ କରୋନା ନିୟନ୍ତ୍ରଣ ପାଇଁ ପ୍ରଶାସନ କରିଥିବା ଲକଡାଉନ ଯୋଗୁଁ କନ୍ଧମାଳର ଲୋକଙ୍କ ଆର୍ଥିକ ଅବସ୍ଥା ଖରାପ ହୋଇପଡିଛି। ତେଣୁ ପରୀକ୍ଷାର୍ଥୀଙ୍କୁ ପରୀକ୍ଷାର ୭ ଦିନ ପୂର୍ବରୁ ହଷ୍ଟେଲରେ ମାଗଣା ରହିବା ଓ ଖାଇବା ବ୍ୟବସ୍ଥା କରିବାକୁ ମଧ୍ୟ ପରିଷଦ ଦାବି କରିଛି। ଏନେଇ ଏକ ଦାବିପତ୍ର ରାଜ୍ୟ ଉଚ୍ଚଶିକ୍ଷା ମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଆଜି ପ୍ରଦାନ କରିଛି ବିଶ୍ୱହିନ୍ଦୁ ପରିଷଦର କର୍ମକର୍ତ୍ତା ମାନେ। ଜିଲା ପ୍ରମୁଖ ଦେବାଶିଷ୍ ପଣ୍ଡାଙ୍କ ନେତୃତ୍ୱରେ ନଗର ସଂପାଦକ ଦିବ୍ୟରଂଜନ ଡ଼ାକୁଆ, ଆଶୁତୋଷ ନାୟକ, ରାଜା ସାହୁ, ରଜତ ମହାପାତ୍ର ପ୍ରମୁଖ ଏହି ଦାବିପତ୍ର ଅତିରିକ୍ତ ଉପଜିଲାପାଳ ବସନ୍ତ କୁମାର ସାହୁଙ୍କୁ ପ୍ରଦାନ କରିଥିଲେ।
Popular Categories
Previous article
Next article