ନୂଆଦିଲ୍ଲୀ: ଦିଲ୍ଲୀ ବିଧାନସଭା ବାଚସ୍ପତି ରାମ ନିବାସ ଗୋୟଲ ଶୁକ୍ରବାର ବିଦ୍ରୋହୀ ଆମ୍ ଆଦମୀ ପାର୍ଟି (ଆପ୍) ବିଧାୟକ କପିଳ ମିଶ୍ରଙ୍କୁ ଅଯୋଗ୍ୟ ଘୋଷଣା କରିଛନ୍ତି। ଗତ ଲୋକସଭା ନିର୍ବାଚନ ସମୟରେ କପିଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପାଇଁ ପ୍ରଚାରରେ ସାମିଲ ହୋଇଥିବାରୁ ଦଳବଦଳ ନିରୋଧୀ ଆଇନ ବଳରେ ତାଙ୍କୁ ଅଯୋଗ୍ୟ ଘୋଷଣା କରାଯାଇଛି। ଏହି ନିର୍ଦେଶ ପିଛିଲା ଭାବେ ୨୦୧୯ ଜାନୁଆରୀ ୨୭ରୁ ଲାଗୁ ହେବ ବୋଲି ବାଚସ୍ପତିିଙ୍କ ନିର୍ଦେଶରେ କୁହାଯାଇଛି। କରୱାଲ ନଗର ବିଧାୟକ କପିଳଙ୍କୁ ଅଯୋଗ୍ୟ ଘୋଷଣା ପାଇଁ ଦଳର ଅନ୍ୟତମ ବିଧାୟକ ସୌରଭ ଭରଦ୍ବାଜ ବିଧାନସଭାରେ ଦାବି ଉତ୍ଥାପନ କରିଥିଲେ। ତେବେ ବାଚସ୍ପତିଙ୍କ ନିର୍ଦେଶ ବିରୋଧରେ ଅଦାଲତକୁ ଯିବେ ବୋଲି କପିଳ କହିଛନ୍ତି। ଉଲ୍ଲେଖଯୋଗ୍ୟ ଯେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ସହିତ କପିଳଙ୍କର ସମ୍ପର୍କ ଭଲ ନ ଥିଲା। କପିଳ କେଜ୍ରିୱାଲ ସରକାର ବିରୋଧରେ ଦୁର୍ନୀତି ଅଭିଯୋଗ ଆଣି ସତ୍ୟାଗ୍ରହ କରିଥିଲେ।
Popular Categories
Previous article
Next article