ସୋର : ଜାତୀୟ ପତକା ତ୍ରିରଙ୍ଗାକୁ ଅସମ୍ମାନ କରିବା ଅଭିଯୋଗରେ ସରାଡିହା ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ନିଳମ୍ୱିତ ହୋଇଛନ୍ତି । ସୂଚନାଯୋଗ୍ୟ, ସବୁ ଥର ଭଳି ଏଥର ମଧ୍ୟ ୭୩ତମ ସ୍ବାଧୀନତା ଦିବସ ଅବସରରେ ଅଗଷ୍ଟ ୧୫ ତାରିଖ ଦିନ ବାଲେଶ୍ବର ଜିଲା ବାଳିଆପାଳ ବ୍ଲକ ଅନ୍ତର୍ଗତ ସରାଡିହା ପ୍ରାଥମିକ ବିଦ୍ୟାଳୟରେ ଜାତୀୟ ପତକା ଉତ୍ତୋଳନ କରାଯାଇଥିଲ।। ନିୟମ ଅନୁସାରେ, ସୂର୍ୟ୍ୟାସ୍ତ ପରେ ଜାତୀୟ ପତାକା ଅବତରଣ କରିବା ଉଚିତ୍ । ଏଭଳି ନକଲେ ଏହା ଜାତୀୟ ପତାକା ପ୍ରତି ଅପମାନ ବୋଲି ସମ୍ବିଧାନରେ କୁହାଯାଇଛି । କିନ୍ତୁ ସରାଡିହା ପ୍ରାଥମିକ ବିଦ୍ୟାଳୟରେ ବିଳମ୍ୱିତ ରାତି ଯାଏଁ ଉଡୁଥିବା ଦେଖିବାକୁ ମିଳିଥିଲା। ବିଭିନ୍ନ ଗଣମାଧ୍ୟମରେ ଏହି ଘଟଣା ପ୍ରସାରଣ ହେବା ପରେ ବାଲିଆପାଳ ବିଇଓ ଏହା ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ବିଇଓ ରବିବାର ଉକ୍ତ ବିଦ୍ୟାଳୟର ପ୍ରଧାନ ଶିକ୍ଷକଙ୍କୁ ନିଲମ୍ୱନ କରିଛନ୍ତି ।
