ନୂଆଦିଲ୍ଲୀ: ଦୂରଦର୍ଶନର ବରିଷ୍ଠ ଉପସ୍ଥାପିକା ନୀଲମ ଶର୍ମାଙ୍କ ଶନିବାର ପରଲୋକ ଘଟିଛି । ଦୂରଦର୍ଶନର ଜଣେ ଅଧିକାରୀ ସୋସିଆଲ ମିଡିଆ ମାଧ୍ୟମରେ ଏହି ସୂଚନା ଦେଇଛନ୍ତି ।
#DDNews mourns passing away of our dear Colleague Neelum Sharma. A founding anchor with over 20 years of association with #ddnews, she played a stellar role in many capacities. From ‘Badi Charcha’ to ‘Tejasvini’ her path breaking progs won accolades including Nari Shakti Award pic.twitter.com/dYKv3S4aCe
— Doordarshan News (@DDNewsLive) 17 August 2019
ମିଳିଥିବା ସୂଚନା ଅନୁଯାୟୀ, ନୀଲମ ଶର୍ମା କର୍କଟ ରୋଗରେ ପୀଡିତ ଥିଲେ । ୧୯୯୫ ମସିହାରେ ସେ ଦୂରଦର୍ଶନରୁ ନିଜର କ୍ୟାରିୟର ଆରମ୍ଭ କରିଥିଲେ । ଦୂରଦର୍ଶନରେ ୨୪ ବର୍ଷର କାର୍ଯ୍ୟକାଳ ମଧ୍ୟରେ ସେ ‘ତେଜସ୍ବିନୀ’ , ‘ବଡି ଚର୍ଚ୍ଚା’, ‘ଏହସାସ୍’ ଏବଂ ’ଚର୍ଚ୍ଚା ମେ’ ଭଳି ଅନେକ ଲୋକପ୍ରିୟ କାର୍ଯ୍ୟକ୍ରମର ସଞ୍ଚାଳକ ଦାୟିତ୍ବ ସଫଳତା ପୂର୍ବକ ତୁଲାଇ ଥିଲେ । ପାରମ୍ପରିକ ଭାରତୀୟ ଶୈଳୀରେ ଦୂରଦର୍ଶନ ସମ୍ବାଦ ପରିବେଷଣରେ ତାଙ୍କର ଅନନ୍ୟ ଦକ୍ଷତା ଥିଲା। ‘ଲେଡି ଶ୍ରୀରାମ କଲେଜ ଫର ୱିମେନ୍’ରୁ ସ୍ନାତକ ଡିଗ୍ରୀ ହାସଲ କରିଥିବା ନୀଲମ ସମ୍ବାଦ ଉପସ୍ଥାପନା ବ୍ୟତୀତ କେନ୍ଦ୍ର ସରକାରଙ୍କ ଅନେକ ଫ୍ଲାଗ୍ ସିପ୍ କାର୍ଯ୍ୟକ୍ରମର ଉପସ୍ଥାପନା କରିଛନ୍ତି ।
ଉପସ୍ଥାପନା ଦକ୍ଷତା ପାଇଁ ତାଙ୍କୁ ୨୦୧୦ରେ ’ଆଧି ଆବାଦି ୱିମେନ୍ ଆଚିଭର୍ସ୍ ଆୱାର୍ଡ’, ୨୦୧୩ରେ ‘ମିଡିଆ ମହାରଥୀ’ ଏବଂ ଚଳିତବର୍ଷ ମାର୍ଚ୍ଚ ମାସରେ ‘ନାରୀ ଶକ୍ତି ସମ୍ମାନ’ ମିଳିଥିଲା ।
