ଏବେ ଚାଲିଛି ଶ୍ରାବଣ ମାସ। ଏହି ମାସରେ ପ୍ରଭୁ ଶିବଙ୍କର ବିଶେଷ ପୂଜାର୍ଚ୍ଚନା କରାଯାଇଥାଏ। ଭଗବାନ ଶିବଙ୍କର ଅତିପ୍ରିୟ ହେଉଛି ବେଲପତ୍ର। ବେଲପତ୍ର ଅର୍ପଣ କରିବା ଦ୍ବାରା ପ୍ରଭୁ ପ୍ରସନ୍ନ ହୋଇଥାଆନ୍ତି ଏବଂ ଭକ୍ତଙ୍କ ଇଚ୍ଛା ପୂରଣ କରିଥାଆନ୍ତି। ତେବେ ପବିତ୍ର ବେଲପତ୍ରକୁ ଗଛରୁ ଛିଡ଼ାଇ ପାଇଁ ଶାସ୍ତ୍ର ଅନୁସାରେ କିଛି ନିୟମ ରହିଛି। ଏପରି କିଛି ବିଶେଷ ଦିନ ଅଛି ଯେଉଁଦିନ ବେଲପତ୍ର ଛିଡ଼ାଇବାକୁ ଶାସ୍ତ୍ରରେ ବାରଣ କରାଯାଇଛି। ଆସନ୍ତୁ ଜାଣିବା କେଉଁ ଦିନ ବେଲପତ୍ର ଛିଡ଼ାଇବା ଅନୁଚିତ୍ –
ଶାସ୍ତ୍ର ଅନୁସାରେ, ଚତୁର୍ଥୀ, ଅଷ୍ଟମୀ, ନବମୀ, ଚତୁର୍ଦଶୀ, ଅମାବାସ୍ୟା ଓ ସଂକ୍ରାନ୍ତିରେ ଗଛରୁ ବେଲପତ୍ର ତୋଳିବା ଉଚିତ ନୁହେଁ। ଏହି ଦିନଗୁଡିକରେ ଯଦି ସୋମବାର ପଡୁଥାଏ ତେବେ ପୂର୍ବଦିନ ଗଛରୁ ପତ୍ର ତୋଳି ରଖିପାରିବେ।
- Advertisement -
ଶିବଙ୍କ ଉପରେ ଲାଗିଥିବା ବେଲପତ୍ରକୁ ସ୍ବଚ୍ଛପାଣିରେ ଧୋଇ ଶିବଙ୍କ ପୂଜାରେ ପୂନର୍ବାର ଲାଗାଇପାରିବେ। ବେଲପତ୍ର ତୋଳିବା ପୂର୍ବରୁ ଓ ପରେ ମନ ଭିତରେ ବେଲଗଛକୁ ନମସ୍କାର କରନ୍ତୁ।
