କାଶ୍ମୀର : ଜାମ୍ମୁ କାଶ୍ମୀର ପୁଲିସ୍ ଗୁରୁବାର ସକାଳେ କାଜିପୋରାରୁ ଜଣେ ଆତଙ୍କବାଦୀକୁ ଗିରଫ କରିଛି। କାଜିପୋରା ଅଞ୍ଚଳରେ ଜଣେ ଆତଙ୍କବାଦୀ ଲୁଚି ରହିଥିବା ନେଇ ବିଶେଷ ସୂତ୍ରରୁ ପୁଲିସକୁ ସୂଚନା ମିଳିଥିଲା। ସୂଚନା ଆଧାରରେ ପୁଲିସ ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରି ତଲାସୀ ଆରମ୍ଭ କରିଥିଲା। ସେଠାରୁ ଶୌକତକୁ ଗିରଫ କରାଯାଇଛି। ତା ନିକଟରୁ ଗାଟିଏ ବନ୍ଧୁକ, ଗୋଟିଏ ମାଗାଜିନ, ୬ଟି ଜୀବନ୍ତ ଗୁଳି ଜବତ କରାଯାଇଛି।
ପୁଲିସ୍ ସୂଚନା ଅନୁସାରେ ଗିରଫ ଆତଙ୍କବାଦୀର ନାମ ଶୌକତ ଅହମଦ ତାନ୍ତ୍ରି ଓ ସେ ଆତଙ୍କବାଦୀ ସଂଗଠନ ହିଜବୁଲ ମୁଜାହିଦ୍ଦିନ ସଦସ୍ୟ ଅଟେ। ଶେକୗତର ଘର କୁଲଗାମର ୱାରପୋରା ଡିଏଚପୋରାରେ। ବଡ଼ଗାମର ଚନ୍ଦୋରା ପୁଲିସ ଥାନାରେ ଆତଙ୍କବାଦୀ ଧାରାରେ ଶୌକତ ବିରୋଧରେ ମାମଲା ରୁଜୁ କରାଯାଇଛି। ସେନାର ରାଷ୍ଟ୍ରୀୟ ରାଇଫଲ୍ସ ଏବଂ ବଡ଼ଗାମ ପୁଲିସର ମିଳିତ ତଲାସୀ ଅଭିଯାନରେ ଶୌକତକୁ ଗିରଫ କରାଯାଇଥିବା ସୂଚନା ମିଳିଛି।
