ନୂଆଦିଲ୍ଳୀ : ଏଆଇଏମଆଇଏମ ନେତା ଅସଦୁଦ୍ଦିନ ଓୱେସି ବେଆଇନ କାର୍ଯ୍ୟକଳାପ ନିରୋଧୀ ଆଇନ (ୟୁଏପିଏ) ଆଇନ ଦୁରୁପଯୋଗ ପାଇଁ କଂଗ୍ରେସକୁ ଦାୟୀ କରିଛନ୍ତି। ଓୱେସି ବୁଧବାର ଲୋକସଭାରେ କହିଛନ୍ତି ଯେ ଶାସନରୁ ବାହାରିବା ମାତ୍ରେ କଂଗ୍ରେସ ମୁସଲମାନଙ୍କ ବଡ଼ ଭୋଇ ହୋଇଯାଏ।
ଲୋକସଭାରେ ବେଆଇନ କାର୍ଯ୍ୟକଳାପ ନିରୋଧୀ ଆଇନ ସଂଶୋଧନ ବିଧେୟକ ୨୦୧୯ ଉପରେ ଚର୍ଚ୍ଚାରେ ଭାଗ ନେଇ ଓୱେସି କହିଛନ୍ତି ଯେ ୟୁଏପିଏ ଆଇନର ଦୁରୁପଯୋଗ ପାଇଁ କଂଗ୍ରେସ ଦାୟୀ। ଶାସନରେ ଥିବାବେଳେ କଂଗ୍ରେସ ପ୍ରଥମେ ସଂଶୋଧନ ବିଧେୟକ ଆଣିଥିଲା ଓ ସେତେବେଳ ମୁଁ ତାର ବିରୋଧ କରିଥିଲି। ସେତେବେଳେ କଂଗ୍ରେସ ରାଷ୍ଟ୍ର ହିତରେ ଏହି ବିଲ ସଂଶୋଧନ କରୁଥିବା କଥଶ କହିଥିଲା। କ୍ଷମତାରେ ଥିଲାବେଳେ କଂଗ୍ରେସର ଆଭିମୁଖ୍ୟ ଗୋଟିଏ ରହିଥାଏ ଓ କ୍ଷମତାରୁ ବାହାରିବା ପରେ ସେ ମୁସଲମାନଙ୍କ ବଡ଼ ଭାଇ ହୋଇଯାଇଥାଏ। କଂଗ୍ରେସକୁ ଆମ ଭଳି କଷ୍ଟ ସେତେବେଳେ ହେବ ଯେତେବେଳ ତାର କୌଣସି ବରିଷ୍ଠ ନେତାଙ୍କୁ ଏହି ଆଇନରେ ମାସେ ପର୍ଯ୍ୟନ୍ତ ତେଲ ହୋଇଯିବ। ଓୱେସିଙ୍କ ଅଭିଯୋଗର ବିରୋଧ କରି କଂଗ୍ରେସର ଗୌରବ ଗୋଗୋଇ ଏବଂ ଅନ୍ୟ କେତେକ ସଦସ୍ୟ ନିଜ ସ୍ଥାନରେ ଠିଆ ହୋଇଯାଇଥିଲେ। ଓୱେସି ଅପମାନଜନକ ଭାଷାର ବ୍ୟବହାର କରୁଛନ୍ତି, ତଣୁ ଏହାକୁ ରେକର୍ଡରୁ ହଟାଇବା ଆବଶ୍ୟକ ବୋଲି ଗୋଗୋଇ କହିଥିଲେ।
