ଭୁବନେଶ୍ୱର : ବାୟୁସେନାର ଅଧିକାରୀ ତଥା ପ୍ରଥମ ଭାରତୀୟ ଭାବେ ଅନ୍ତରୀକ୍ଷରେ ପାଦ ଦେଇ ଏବେବି ସ୍ମରଣୀୟ ହୋଇ ରହିଛନ୍ତି ମହାକାଶଚାରୀ ରାକେଶ ଶର୍ମା । ୧୯୮୪ ମସିହା ଏପ୍ରିଲ ୨ତାରିଖରେ ଅନ୍ତରୀକ୍ଷ ଯାନ ସୋୟୁଜ ଟି-୧୧ରେ ଯାତ୍ରା କରିଥିଲେ ରାକେଶ ଶର୍ମା। ୨ଜଣ ସାଥୀ ମହାକାଶଚାରୀଙ୍କ ସହ ରାକେଶ ଶର୍ମା ଅନ୍ତରୀକ୍ଷରେ ମୋଟ ୭ଦିନ ୨୧ ଘଣ୍ଟା ୪୦ ମିନିଟ ବିତାଇଥିଲେ ।
ଏକ ସାକ୍ଷାତକାରରେ ରାକେଶ ଶର୍ମା କହିଥିଲେ “୨୦୨୨ ସୁଦ୍ଧା ଭାରତ ଅନ୍ତରୀକ୍ଷକୁ ମାନବ ପ୍ରେରଣ କରିବ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘୋଷଣା କରିବା ପରେ ମୁଁ ବହୁତ ଖୁସି ହୋଇଥିଲି”। ୩୪ ବର୍ଷର ଅପେକ୍ଷା ପରେ ଅନ୍ତରୀକ୍ଷକୁ ମାନବ ପ୍ରେରଣ କରିବାକୁ ଭାରତ ପ୍ରସ୍ତୁତ ହେଉଥିବାରୁ ଖୁସି ବ୍ୟକ୍ତ କରିଥିଲେ ରାକେଶ ଶର୍ମା।
Comments are closed.