ଭୁବନେଶ୍ବର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୨୦୧୯-୨୦ କେନ୍ଦ୍ର ବଜେଟକୁ ନେଇ ମିଶ୍ରିତ ପ୍ରତିକ୍ରିୟା ପ୍ରକାଶ କରିଛନ୍ତି । ସ୍ବାସ୍ଥ୍ୟ, ଶିକ୍ଷା, ଦକ୍ଷତା ବିକାଶ ଏବଂ ପାନୀୟ ଜଳ ପାଇଁ ବଜେଟରେ ବ୍ୟୟ ବରାଦ ବୃଦ୍ଧି କରାଯାଇଛି, ଯାହା ଏକ ଭଲ ପଦକ୍ଷେପ ବୋଲି ମୁଖ୍ୟମନ୍ତ୍ରୀ କହିଛନ୍ତି । ମହିଳା ଓ ଶିଶୁ ବିକାଶ ଏବଂ ଜୀବୀକା ମିଶନ ପାଇଁ ବ୍ୟୟବରାଦ ବୃଦ୍ଧିକୁ ମଧ୍ୟ ମୁଖ୍ୟମନ୍ତ୍ରୀ ସ୍ବାଗତ କରିଛନ୍ତି । ଅନ୍ୟପକ୍ଷରେ ମନରେଗା ଏବଂ ଏସସି/ଏସଟି ଯୋଜନା ପାଇଁ ବ୍ୟୟ ବରାଦ ହ୍ରାସ ପାଇବା ଚିନ୍ତାଜନକ ବିଷୟ ବୋଲି ମୁଖ୍ୟମନ୍ତ୍ରୀ କହିଛନ୍ତି।
ସେହିପରି କେନ୍ଦ୍ର ବଜେଟ ସରକାରଙ୍କ ଦୀର୍ଘସୂତ୍ରୀ ଯୋଜନାକୁ ଦର୍ଶାଉଛି, ଯାହା ଦେଶ ପାଇଁ ବେଶ ଭଲ ବୋଲି ନବୀନ ପଟ୍ଟନାୟକ କହିଛନ୍ତି। ଅନ୍ୟ ପକ୍ଷରେମ ରେଳବାଇ ପାଇଁ ବ୍ୟୟ ବରାଦ ବୃଦ୍ଧି ପାଇବା ସ୍ବାଗତ ଯୋଗ୍ୟ ପଦକ୍ଷେପ ବୋଲି ମୁଖ୍ୟମନ୍ତ୍ରୀ କହିଛନ୍ତି। ତେବେ ପିଏମ୍ କିଷାନ ଯୋଜନାରେ ଭୂମିହୀନ କୃଷକଙ୍କୁ ସାମିଲ କରାଯିବା ନେଇ ମୁଖ୍ୟମନ୍ତ୍ରୀ ଆଶା ପ୍ରକଟ କରିଛନ୍ତି।
