ଇସଲାମାବାଦ .- ପାକିସ୍ତାନ ସେନାର ଏକ ବର୍ବରତା ପୂର୍ଣ୍ଣ କାର୍ଯ୍ୟ ସାମ୍ନାକୁ ଆସିଛି । ପାସ୍ତୁନର ସଂଖ୍ୟା ଲଘୁ ସମ୍ପ୍ରଦାୟ ବିକ୍ଷୋଭ ପ୍ରଦର୍ଶନ କରୁଥିବା ବଳେ ପାକ୍ ସେନା ପକ୍ଷରୁ ବିକ୍ଷୋଭକାରୀଙ୍କ ଉପରେ ଗୁଳି ବର୍ଷା କରାଯାଇଥିଲା । ନିରସ୍ତ୍ର ଥିବା ଅନେକ ବିକ୍ଷୋଭକାରୀଙ୍କର ମୃତ୍ୟୁ ହୋଇଛି । ପସ୍ତୁନ ଅଞ୍ଚଳର ଦୁଇଜଣ ସାଂସଦ ଏହି ବିକ୍ଷୋଭର ନେତୃତ୍ୱ ନେଉଥିଲେ ।
ଆଫଗାନୀସ୍ତୀନ ସୀମାରେ ବିକ୍ଷୋଭକାରୀମାନେ ଏକ ସୁରକ୍ଷା ଶିବିର ଉପରେ ଆକ୍ରମଣ କରିଥିଲେ । ଏହାପରେ ସେଠାରେ ଉପସ୍ଥିତ ଥିବା ପାକିସ୍ତାନ ସେନାପକ୍ଷରୁ ଆଖିବୁଜା ଗୁଳି ଚାଳନା କରାଯାଇଥିଲା । ଏଥିରେ ବିକ୍ଷୋଭର ନେତୃତ୍ୱ ନେଉଥିବା ଦୁଇଜଣ ସାଂସଦ ଗୁରୁତର ହୋଇଛନ୍ତି । ଏହି ଦୁଇଜଣ ସାଂସଦ ମୋହସିନ ଦାଓ୍ୱାର ଓ ଅଲି ଓ୍ୱଜିର ବୋଲି ଜଣା ପଡିଛି ।
ପାସ୍ତୁନଙ୍କ ଉପରେ ପାକିସ୍ତାନ ସେନା ପକ୍ଷରୁ ବାରମ୍ବାର କରାଯାଉଥିବା ବର୍ବରପୂର୍ଣ୍ଣ ଅତ୍ୟାଚାର ବିରୋଧରେ ଏହି ବିକ୍ଷୋଭର ଆୟୋଜନ କରାଯାଇଥିଲା । ଗୁଳି ମାଡରେ ୩ ଜଣ ବିକ୍ଷୋଭକାରୀଙ୍କର ମୃତ୍ୟୁ ହୋଇଥିବା ବେଳେ ୧୦ ଜଣ ଗୁରୁତର ହୋଇଥିବା ପାକିସ୍ତାନ ସେନା ପକ୍ଷରୁ କୁହାଯାଇଛି । ଏଥିରେ ୫ ଜଣ ସେନାଯବାନ ଆହତ ହୋଇଥିବା ପାକିସ୍ତାନ ସେନା ପକ୍ଷରୁ ସୂଚନା ଦିଆଯାଇଛି । ଏହାପରେ ସେହି ଅଞ୍ଚଳରେ କର୍ଫ୍ୟୁଜାରି କରାଯାଇଛି ।
