ନୂଆଦିଲ୍ଲୀ : ଭାରତର ପ୍ରଧାନମନ୍ତ୍ରୀ ଭାବେ ଦ୍ବିତୀୟଥର ଦାୟିତ୍ବ ଗ୍ରହଣ କରିବାକୁ ଯାଉଛନ୍ତି ନରେନ୍ଦ୍ର ମୋଦୀ। ଭାରତୀୟ କ୍ରିକେଟ୍ ଦଳ ବିଶ୍ବକପ୍ ଖେଳିବାକୁ ଇଂଲଣ୍ଡରେ ଥିବା ବେଳେ ଦଳର ଅଧିନାୟକ ବିରାଟ କୋହଲି ଟ୍ବିଟର୍ ମାଧ୍ୟମରେ ମୋଦୀଙ୍କୁ ଅଭିନନ୍ଦନ ଜଣାଇଛନ୍ତି। ନିଜ ବାର୍ତ୍ତାରେ କୋହଲି ଦ୍ବିତୀୟଥର ପାଇଁ ମୋଦୀ ପ୍ରଧାନମନ୍ତ୍ରୀ ଦାୟିତ୍ବ ଗ୍ରହଣ କରିବାକୁ ଯାଉଥିବାରୁ ଶୁଭେଚ୍ଛା ଜଣାଇବା ସହ ତାଙ୍କ ନେତୃତ୍ବରେ ଭାରତ ଉନ୍ନତି ପଥରେ ଆଗେଇ ଚାଲିବ ବୋଲି ଆଶାବ୍ୟକ୍ତ କରିଛନ୍ତି।
କୋହଲିଙ୍କ ବ୍ୟତୀତ ଅନ୍ୟାନ୍ୟ କ୍ରୀଡ଼ାବିତ୍ମାନେ ମୋଦୀଙ୍କୁ ଅଭିନନ୍ଦନ ଜଣାଇଛନ୍ତି। ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ନିଜ ଟ୍ବିଟର ବାର୍ତ୍ତାରେ ଲୋକସଭା ନିର୍ବାଚନରେ ବିଜୟୀ ହୋଇଥିବାରୁ ବିଜେପି ଓ ମୋଦୀଙ୍କୁ ଅଭିନନ୍ଦନ ଜଣାଇବା ସହ ଦେଶବାସୀ ମୋଦୀଙ୍କ ସହ ଅଛନ୍ତି ବୋଲି ଦର୍ଶାଇଛନ୍ତି। ମୋଦୀଙ୍କ ନେତୃତ୍ବରେ ଦେଶ ଅଧିକ ଶକ୍ତିଶାଳୀ ହେବ ବୋଲି ସେ ଦର୍ଶାଇଛନ୍ତି। ସେହିପରି ବିସ୍ଫୋରକ ବ୍ୟାଟସମ୍ୟାନ୍ ବୀରେନ୍ଦ୍ର ସେହ୍ବାଗ ମଧ୍ୟ ମୋଦୀଙ୍କୁ ଅଭିନନ୍ଦନ ଜଣାଇବା ସହ ଭାରତର ଭବିଷ୍ୟତ ସୁରକ୍ଷିତ ବୋଲି ଦର୍ଶାଇଛନ୍ତି। ମହିଳା ବକ୍ସର ମେରି କମ୍, ଆଥଲେଟ୍ ନୀରଜ ଚୋପ୍ରା, ସାଇନା ନେହୱାଲ୍, ସାନିଆ ମିର୍ଜା, ସୁରେଶ େରୖନା, ହରଭଜନ ସିଂହ, ରବିଚନ୍ଦ୍ରନ୍ ଅଶ୍ବିନ୍, ଶିଖର ଧାୱନ୍, ପିଭି ସିନ୍ଧୁ ଓ ଗୀତା ଫୋଗଟ୍ ପ୍ରମୁଖ ମୋଦୀଙ୍କୁ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି।
Comments are closed.