ଜଗତସିଂହପୁର : ରାତି ବଢିବା ସଙ୍ଗେ ସଙ୍ଗେ ‘ଫନି’ର କରାଳ ରୂପ ଭୟଙ୍କର ହେବାରେ ଲାଗିଛି। ଅନ୍ଧକାରର କଳାଛାୟାକୁ ଭେଦି ସ୍ଥଳଭାଗ ଆଡକୁ ମାଡି ଆସୁଛି ସାମୁଦ୍ରିକ ଝଡ ‘ଫନି’। ଏଥିମଧ୍ୟରେ ଜଗତସିଂହପୁରରୁ ଏକ ଖୁସି ଖବର ସାମ୍ନାକୁ ଆସିଛି। ସୂଚନା ଅନୁସାରେ ଏକ ଗର୍ଭବତୀ ମହିଳାଙ୍କ କୋଳରେ ଶିଶୁ ‘ଫନି’ ଜନ୍ମ ନେଇଛି। କଥାଟା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ବସ୍ତବରେ ଏହା ସତ।
ଜଗତସିଂହପୁର ମୁଖ୍ୟ ଡାକ୍ତରଖାନାରେ ଏକ ଶିଶୁ ଜନ୍ମ ନେଇଛି। ବାପା ମା ଏହି ଶିଶୁର ନାମ ‘ଫନି’ ରଖିଛନ୍ତି। ଗୋଟିଏ ପଟେ ବାତ୍ୟା ‘ଫନି’କୁ ନେଇ ରାଜ୍ୟବାସୀ ଚିନ୍ତାରେ ରହିଥିବା ବେଳେ ‘ଫନି’ ଏହି ଦମ୍ପତ୍ତିଙ୍କ ମୁହଁରେ ହସ ଭରିଦେଇଛି।
Comments are closed.