ମାଲେ: ମାଳଦ୍ବୀପରେ ଅନୁଷ୍ଠିତ ସଂସଦୀୟ ନିର୍ବାଚନରେ ମାଲ୍ଡିଭ୍ସ ଡେମୋକ୍ରାଟିକ୍ ପାର୍ଟି (ଏମ୍ଡିପି) ବିପୁଳ ସଂଖ୍ୟାଗରିଷ୍ଠତା ହାସଲ କରିଛି। ରାଷ୍ଟ୍ରପତି ଇବ୍ରାହିମ୍ ମହମ୍ମଦ ସୋଲି ଓ ପୂର୍ବତନ ରାଷ୍ଟ୍ରପତି ମୋହମ୍ମଦ ନସିଦ୍ଙ୍କ ନେତୃତ୍ୱାଧୀନ ମାଲ୍ଡିଭ୍ସ ଡେମୋକ୍ରାଟିକ୍ ପାର୍ଟି ୮୭ ସଭ୍ୟ ବିଶିଷ୍ଟ ପାର୍ଲାମେଣ୍ଟରେ ୬୬ଟି ଆସନରେ ବିଜୟୀ ହୋଇଛି। ରାଜଧାନୀ ମାଲେଠାରେ ଦଳ ପକ୍ଷରୁ ଆୟୋଜିତ ବିଜୟ ଉତ୍ସବରେ ରାଷ୍ଟ୍ରପତି ଓ ଶାସକ ମେଣ୍ଟର ମନ୍ତ୍ରୀମାନେ ସାମିଲ
ହୋଇଥିଲେ। ମୋଟ୍ ୮୭ଟି ଆସନ ମଧ୍ୟରୁ ଏମ୍ଡିପି ୮୫ଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିବା ବେଳେ ଶନିବାର ଅନୁଷ୍ଠିତ ନିର୍ବାଚନରେ ଶତକଡ଼ା ୭୮ ଭାଗ ମତଦାନ ହୋଇଥିଲା।
୨୦୦୮ ମସିହାରେ ମାଳଦ୍ବୀପରେ ବହୁଦଳୀୟ ଗଣତନ୍ତ୍ର ଶାସନ ବ୍ୟବସ୍ଥା ପ୍ରତିଷ୍ଠା ହେବା ପରେ ଗୋଟିଏ ଦଳ ପାର୍ଲାମେଣ୍ଟରେ
ପ୍ରଥମ କରି ସଂଖ୍ୟାଗରିଷ୍ଠତା ହାସଲ କରିଛି।
