କୋଇଡା : ସୁନ୍ଦରଗଡ଼ ଜିଲା କୋଇଡା ବସଷ୍ଟାଣ୍ଡ ନିକଟରେ ସାଧାରଣ ନିର୍ବାଚନକୁ ଆଖିଆଗରେ ରଖି ଶନିବାର ପୁଲିସ୍ ପକ୍ଷରୁ ଗାଡ଼ି ଚେକିଙ୍ଗ୍ କରାଯାଉଥିଲା। ଚେକିଙ୍ଗ୍ ସମୟରେ ପୁଲିସ୍ ଏକ କାରରୁ ୬ଲକ୍ଷ ୭୦ହଜାର ଟଙ୍କା ଜବତ କରିଛି। ସୂଚନା ମୁତାବକ, ଏକ କାର ବସ୍ ଷ୍ଟାଣ୍ଡ ସାମ୍ନା ଦେଇ ଯାଉଥିବା ସମୟରେ କାର୍ ଉପରେ ପୁଲିସର ସନ୍ଦେହ ହେବାରୁ ସଙ୍ଗେସଙ୍ଗେ ଚେକ୍ କରିଥିଲା। ଚେକ୍ କରିବାରୁ କାରଟିରୁ ୬ଲକ୍ଷ ୭୦ହଜାର ଟଙ୍କା ଜବତ କରିଥିଲା। ଜବତ କାରରେ ଥିବା ରଶ୍ମି ଟ୍ରାନ୍ସପୋର୍ଟପ୍ରାଇଭେଟ ପ୍ରାଇଭେଟ ଲିମିଟେଡର ମ୍ୟାନେଜର ପ୍ରଦୀପ କୁମାର ଅଗ୍ରୱାଇଙ୍କୁ ଏନେଇ ପଚାରିବାରୁ ସେ ବ୍ୟବସାୟିକ କାରବାର ପାଇଁ ବଡବିଲରୁ ଟଙ୍କା ଆଣିଥିବା ପ୍ରକାଶ କରିଥିଲେ। ମାତ୍ର ଏହି ଟଙ୍କା ନିର୍ବାଚନ ପାଇ ଆସିଥିବା କୋଇଡା ତହସିଲଦାର ଏବଂ କୋଇଡା ଥାନା ଅଧିକାରୀ ଦେବେନ୍ଦ୍ରନାଥ ପିଙ୍ଗୁଆ ସନ୍ଦେହ କରୁଥିବା କହିଛନ୍ତି।
