ଦେଶବାସୀଙ୍କୁ ଗୁରୁତ୍ତ୍ୱପୂର୍ଣ ବାର୍ତ୍ତା ଦେବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଉ କିଛି ସମୟ ପରେ ଦେଶବାସୀଙ୍କ ଉଦ୍ଦେଶ୍ୟରେ ଉଦ୍ବୋଧନ ଦେବେ। ଏ ସମ୍ପର୍କରେ ପ୍ରଧାନମନ୍ତ୍ରୀ ଟ୍ୱିଟ କରି କହିଛନ୍ତି, ‘ପ୍ରିୟ ଦେଶବାସୀ, ଆଜି ସକାଳେ ୧୧.୪୫ ପରେ ମୁଁ ଆପଣ ମାନଙ୍କୁ ଏକ ଗୁରୁତ୍ତ୍ୱପୂର୍ଣ କଥା କହିବି। ଆପଣମାନେ ଟେଲିଭିଜନ, ରେଡ଼ିଓ ଏବଂ ସୋସିଆଲ ମିଡିଆରେ ତାହା ଦେଖିପାରିବେ ଓ ଶୁଣିପାରିବେ।’ ପ୍ରଧାନମନ୍ତ୍ରୀ କଣ କହିବେ ଓ କେଉଁ ବିଷୟରେ ବାର୍ତ୍ତା ରଖିବେ, ସେ ନେଇ ଆଲୋଚନା ପର୍ଯ୍ୟାଲୋଚନା ଆରମ୍ଭ ହୋଇଯାଇଛି।

ନିର୍ବାଚନ ଆଚରଣ ବିଧି ବଳବତ୍ତର ଥିବାରୁ ପ୍ରଧାନମନ୍ତ୍ରୀ କୌଣସି ନୂଆ ଯୋଜନା ବିଷୟରେ ଘୋଷଣା କରିବେ ନାହିଁ ତେଣୁ ଦେଶର ସୁରକ୍ଷା ସମ୍ପର୍କରେ ପ୍ରଧାନମନ୍ତ୍ରୀ ବାର୍ତ୍ତା ରଖିପାରନ୍ତି।