ସମାଜ ଲାଇଭ ଡ଼େସ୍କ : ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଡିସେମ୍ବର ୪-୫ରେ ଭାରତ ଗସ୍ତରେ ଆସୁଛନ୍ତି । ପୁଟିନଙ୍କ ଗସ୍ତ ସମ୍ପର୍କରେ ସୂଚନା ପ୍ରଦାନ କରିଛନ୍ତି ବିଦେଶ ମନ୍ତ୍ରଣାଳୟ । ସୂଚନା ଅନୁସାରେ ପୁଟିନ ଡିସେମ୍ବର ୪-୫ରେ ୨୩ତମ ଭାରତ-ରୁଷ ବାର୍ଷିକ ଶିଖର ସମ୍ମିଳନୀରେ ଯୋଗଦେବା ପାଇଁ ଭାରତ ଗସ୍ତରେ ଆସିବେ।
୨୩ତମ ଭାରତ-ରୁଷ ବାର୍ଷିକ ଶିଖର ସମ୍ମିଳନୀରେ ଯୋଗଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିମନ୍ତ୍ରଣ ପରେ ପୁଟିନଙ୍କ ଗସ୍ତ ସ୍ଥିର ହୋଇଛି । ଆମେରିକା ନୂଆଦିଲ୍ଲୀର ରୁଷ ତୈଳ ଆମଦାନୀ ଉପରେ ଦଣ୍ଡାତ୍ମକ ଶୁଳ୍କ ଲାଗୁ କରିବା ପରେ ଗତ କିଛି ମାସ ମଧ୍ୟରେ ଦୁଇ ଦେଶ ନିକଟତର ହୋଇଛନ୍ତି । ପୁଟିନ ତାଙ୍କ ଭାରତ ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦୀଙ୍କ ସହ ଗୁରୁତ୍ଵପୂର୍ଣ୍ଣ ପ୍ରସଙ୍ଗରେ ଆଲୋଚନା କରିବେ ବୋଲି କୁହାଯାଇଛି । ରାଷ୍ଟ୍ରପତି ଦ୍ରୌପଦୀ ମୁର୍ମୁ ରାଷ୍ଟ୍ରପତି ଭବନରେ ପୁଟିନଙ୍କୁ ସ୍ୱାଗତ କରିବେ ଏବଂ ଏକ ଭୋଜି ଆୟୋଜନ କରିବେ । ପୁଟିନଙ୍କ ଏହି ଗସ୍ତ ଭାରତ ଏବଂ ରୁଷ ନେତୃତ୍ୱକୁ ଦ୍ୱିପାକ୍ଷିକ ସମ୍ପର୍କରେ ଅଗ୍ରଗତି ସମୀକ୍ଷା କରିବ , ସ୍ୱତନ୍ତ୍ର ଏବଂ ସୁବିଧାପ୍ରାପ୍ତ ରଣନୈତିକ ସହଭାଗୀତା’କୁ ସୁଦୃଢ଼ କରିବା ପାଇଁ ଦୃଷ୍ଟିକୋଣ ସ୍ଥିର କରିବ ଏବଂ ପାରସ୍ପରିକ ଆଞ୍ଚଳିକ ଏବଂ ଅନ୍ତର୍ଜାତୀୟ ସ୍ୱାର୍ଥ ଉପରେ ମତ ବିନିମୟ କରିବାର ସୁଯୋଗ ହେବ ବୋଲି ଆଶା କରା ଯାଉଛି ।
