ଭଦ୍ରକ : ୧୬ ନଂ ଜାତୀୟ ରାଜପଥ ଅସୁରା ପେଟ୍ରୋଲ ପମ୍ପ ନିକଟରେ ଡମ୍ପର ଓ ବସ ମୁହାଁମୁହିଁ ଧକ୍କାରେ ୪ ଗୁରୁତର ଓ ୧୧ ଆହତ ହୋଇଛନ୍ତି । ସେମାନଙ୍କୁ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଡଲଫିନ ନାମକ ବସଟି ପୁରୀରୁ କଲିକତା ଅଭିମୁଖେ ଯାଉଥିବା ବେଳେ ୧୬ ନଂ ଜାତୀୟ ରାଜପଥ ଅସୁରା ପେଟ୍ରୋଲ ପମ୍ପ ନିକଟରେ ଛିଡା ହୋଇଥିବା ଏକ ଡମ୍ପରକୁ ସାମନା ପଟୁ ଧକ୍କା ଦେଇଥିଲା । ଫଳରେ ବସର ସମ୍ମୁଖ ଅଂଶ ନଷ୍ଟ ହେବା ସହ ବସରେ ଥିବା ଯାତ୍ରୀ ଆହତ ହୋଇ ଭଦ୍ରକ ମେଡିକାଲରେ ଚି଼କିତ୍ସା ପାଇଁ ଭର୍ତ୍ତି ହୋଇଛନ୍ତି । ଆହତ ଯାତ୍ରୀମାନେ ହେଲେ ପଶ୍ଚିମବଙ୍ଗର ବିଭିନ୍ନ ଅଞ୍ଚଳର । ପୁରୀରୁ ୫୦ରୁ ଅଧିକ ଯାତ୍ରୀଙ୍କୁ ନେଇ ବସଟି କଲିକତା ଯାଉଥିଲା । ବିଳମ୍ବିତ ରାତିରେ ଡ୍ରାଇଭରର ଆଖି ଲାଗି ଯିବା ଯୋଗୁଁ ଏଭଳି ଦୁର୍ଘଟଣା ଘଟିଥିବା ସନ୍ଦେହ କରାଯାଉଛି
