ନୂଆଦିଲ୍ଲୀ : ବାୟୁସେନା ୱିଙ୍ଗ କମାଣ୍ଡର ଅଭିନନ୍ଦନ ପାକିସ୍ତାନରେ ନିଜର ବୀରତ୍ୱ ପଦର୍ଶନ କରି ସମସ୍ତଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି। ଅଭିନନ୍ଦନ ଶୁକ୍ରବାର ରାତିରେ ୱାଘା-ଅଟାରୀ ସୀମା ଦେଇ ଭାରତକୁ ଆସିଥିଲେ। ସୂଚନା ଅନୁସାରେ ଅଭିନନ୍ଦନଙ୍କୁ ବର୍ତ୍ତମାନ ନୂଆଦିଲ୍ଲୀ ସ୍ଥିତ ଏଏଫସିଏମଇରେ ଚିକିତ୍ସା କରାଯାଉଛି। ଚିକିତ୍ସା ସମୟରେ ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ଅଭିନନ୍ଦନଙ୍କୁ ଭେଟିଛନ୍ତି। ସମଗ୍ର ଦେଶ ଆପଣଙ୍କ ବୀରତ୍ୱକୁ ସମ୍ମାନ କରୁଥିବା ପ୍ରତିରକ୍ଷା ମନ୍ତ୍ରୀ କହିଛନ୍ତି। ଏହି କଥାବାର୍ତ୍ତା ସମୟରେ ୱିଙ୍ଗ କମାଣ୍ଡର ଅଭିନନ୍ଦନ କିଭଳି ଭାବେ ପାକିସ୍ତାନରେ ୬୦ ଘଣ୍ଟା ସମୟର ବିତାଇ ଥିଲେ ତାହାର ସମସ୍ତ ସୂଚନା ଦେଇଛନ୍ତି। ଅଭିନନ୍ଦନ ଭାରତ ସୀମାରେ ପ୍ରବେଶ କରିବା ପରେ ତାଙ୍କ ବାମ ଆଖିରେ ଆଘାତ ଥିବା ଜଣାପଡିଥିଲା।
ସୂଚନାଯୋଗ୍ୟ ଯେ, ଫେବୃଆରୀ ୨୭ ତାରିଖରେ ବାୟୁସେନା ୱିଙ୍ଗ କମାଣ୍ଡର ଅଭିନନ୍ଦନ ମିଗ-୨୧ ଯୁଦ୍ଧ ବିମାନ ମାଧ୍ୟମରେ ପାକିସ୍ତାନ ଏଫ୍-୧୬ ଯୁଦ୍ଧ ବିମାନକୁ ଆକ୍ରମଣ କରିବା ପରେ ପାରାସୁଟ ଜରିଆରେ ପାକିସ୍ତାନରେ ଓହ୍ଲାଇଥିଲେ। ପରେ ତାଙ୍କୁ ପାକିସ୍ତାନ ସେନା ନିଜ ହେପାଜତରେ ରଖିଥିଲା।
ଅଭିନନ୍ଦନଙ୍କୁ ଭେଟିଲେ ପ୍ରତିରକ୍ଷା ମନ୍ତ୍ରୀ
Popular Categories
Previous article
Next article