ନୂଆଦିଲ୍ଲୀ : ରିଅଲମିର ନୂଆ ସ୍ମାର୍ଟଫୋନ ରିଅଲମି-୩ର ଲଞ୍ଚକୁ ନେଇ ଅନେକ ଦିନ ହେବ ଚର୍ଚ୍ଚା ହେଉଥିଲା। ଏବେ କମ୍ପାନୀ ତରଫରୁ ଏହାର ସ୍ପଷ୍ଟିକରଣ ଦିଆଯାଇଛି। କମ୍ପାନୀର କହିବା ଅନୁସାରେ ରିଅଲମି-୩ ସ୍ମାର୍ଟଫୋନ ମାର୍ଚ୍ଚ ୪ରେ ବଜାର ପ୍ରବେଶ କରିବ। ରିଅଲମି ଇଣ୍ଡିଆର ମୁଖ୍ୟ ମାଧବ ସେଠ୍ ଟ୍ୱିଟ କରି ଏହି ସୂଚନା ଦେଇଛନ୍ତି। ଏଥିପାଇଁ କମ୍ପାନୀ ମିଡିଆ ନିମନ୍ତ୍ରଣ ମଧ୍ୟ ପଠାଇସାରିଛି।
ରିଅଲମି-୩ର ବିଶେଷତ୍ୱ ବିଷୟରେ କହିଲେ ଏହି ଫୋନରେ ରିଅଲମି-୧ଭଳି ଡାଇମଣ୍ଡ କଟ୍ ମିଳିବ। ଏହି ଫୋନକୁ ଇନ-ଡିସପ୍ଲେ ଟିପଚିହ୍ନ ସେନସର ସହିତ ଲଞ୍ଚ କରାଯିବାର ଅନୁମାନ କରାଯାଉଛି। ଅନେକ ରିପୋର୍ଟ ଅନୁସାରେ ଫୋନରେ ମିଡିଆଟେକର ହିଲିୟୋ ପି-୭୦ପ୍ରୋସେସର ମିଳିବ।
- Advertisement -
ଖବର ଅନୁସାରେ, ରିୟଲମି କିଛିଦିନତଳେ ରିଅଲମି ୟୁ-୧ ଭାରତୀୟ ବଜାରରେ କଞ୍ଚ କରିଥିଲା। ଯେଉଁଥିରେ ହିଲିୟୋ ପି-୭୦ ପ୍ରୋସେସର ଦିଆଯାଇଛି। ୨୫ମେଗାପିକ୍ସେଲର ଆଗପଟ କ୍ୟାମେରା ଏବଂ ୬.୩ଇଞ୍ଚର ଡିସପ୍ଲେ ରହିଛି। ଏହି ଫୋନ ଉଭୟ ଅଫଲାଇନ୍ ଏବଂ ଅନଲାଇନ ଷ୍ଟୋରରେ ଉପଲବ୍ଧ ରହିଛି।
