ସମାଜ ଡିଜିଟାଲ ଡେସ୍କ: ଦିଲ୍ଲୀ ନିର୍ବାଚନରେ ଆମ ଆଦମୀ ପାର୍ଟି(ଆପ୍)ର ପରାଜୟ ପରେ ଏହାର ମୁଖ୍ୟ ଅରବିନ୍ଦ କେଜ୍ରିଓ୍ବାଲଙ୍କୁ ଗଣମାଧ୍ୟମରେ ଆଉ ଦେଖିବାକୁ ମିଳୁନାହିଁ। ବର୍ତ୍ତମାନ ସମୟରେ ସେ ରାଜନୈତିକ କାର୍ଯ୍ୟକ୍ରମରୁ ଟିକେ ବିରତି ନେଇ ସାମାଜିକ କାର୍ଯ୍ୟକ୍ରମରେ ସାମିଲ ହେଉଥିବା ଦେଖିବାକୁ ମିଳୁଛି। ନିକଟରେ କେଜ୍ରିଓ୍ବାଲଙ୍କ ଝିଅ ସୁନିତାଙ୍କ ନିର୍ବନ୍ଧ ସମ୍ପନ୍ନ ହୋଇଛି। ତେବେ ଏହି ଉତ୍ସବରେ କେଜ୍ରିଓ୍ବାଲ ପତ୍ନୀଙ୍କ ସହିତ ପୁଷ୍ପା-୨ ଚଳଚ୍ଚିତ୍ରର ଏକ ଗୀତରେ ନାଚୁଥିବାର ଦେଖାଯାଇଛି, ଯାହା ବିଜୁଳି ବେଗରେ ଇଣ୍ଟରନେଟ ଏବଂ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ‘ଅଙ୍ଗାରୋ କା ଅମ୍ବର ସା’ ଗୀତରେ ଉଭୟେ ନାଚୁଥିବା ବେଳେ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ମନୋଜ କୁମାର ଶର୍ମା ନାମକ ବ୍ୟକ୍ତି ଏହି ଭିଡିଓକୁ ନିଜ ଏକ୍ସ’ ଆକାଉଣ୍ଟରେ ଶେୟାର କରିଛନ୍ତି।
Arvind Kejriwal showcasing his DANCE Moves on his daughter’s Engagement Ceremony.
God bless his Daughter and Son In Law with happiness and prosperity. @ArvindKejriwal @AamAadmiParty @AAPPunjab @SanjayAzadSln pic.twitter.com/dmbayukPNh
— Manoj Kumar Sharma (@manojsharma76u1) April 18, 2025
