ଡେରାଡୁନ: ଉତ୍ତରକାଶୀରେ ମଣିକର୍ଣ୍ଣିକା ଘାଟର ଏକ ଦୁଃଖଦ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେଉଛି। ଏଥିରେ ଜଣେ ମହିଳା ଦ୍ରୁତ ଗତିରେ ପ୍ରବାହିତ ଭାଗିରଥୀ ନଦୀରେ ଠିଆ ହୋଇଛନ୍ତି। ସେ ଫଟୋ ତଥା ଭିଡିଓ ଉତ୍ତୋଳନ ପାଇଁ ପଛକୁ ଯାଉଛନ୍ତି। ଏହି ସମୟରେ ଭାରସାମ୍ୟ ହରାଇ ସେ ପ୍ରଖର ସ୍ରୋତରେ ଭାସି ଯାଉଛନ୍ତି। ଫଟୋ ଉଠାଉଥିବା ତାଙ୍କ ଝିଅ ଚିତ୍କାର କରୁଛି, କିନ୍ତୁ ତା’ ଆଖି ଆଗରେ ମାଆ ନଦୀ ଜଳରେ ଲୀନ ହୋଇଯାଉଛି। ମହିଳାଙ୍କ ସନ୍ଧାନ ଏବେ ବି ଜାରି ରହିଛି।
ଏହି ଘଟଣା ସମ୍ପର୍କରେ ଅଧିକ ତଥ୍ୟ ଉପଲବ୍ଧ ନାହିଁ। ତେବେ କୁହାଯାଉଛି ଯେ, ସୋମବାର କିମ୍ବା ମଙ୍ଗଳବାର ଏହି ଘଟଣା ଘଟିଛି। ଭିଡିଓରେ ଦେଖାଯାଉଥିବା ମହିଳା ନେପାଳର ଏବଂ ସେ ଉତ୍ତରକାଶୀ ତାଙ୍କ ସମ୍ପର୍କୀୟଙ୍କ ଘରକୁ ବୁଲିବାକୁ ଆସିଥିଲେ। ତାଙ୍କ ସହିତ ତାଙ୍କର ୧୧ ବର୍ଷର ଝିଅ ମଧ୍ୟ ଥିଲା।
आजकल Reels बनाने के चक्कर में अपनी जान से खेल रहे हैं।
उत्तरकाशी घूमने आई नेपाल मूल की महिला मर्णिकाघाट उत्तरकाशी में भागीरथी नदी में रील्स बनाने के चक्कर में नदी में बह गई। रेस्क्यू टीम द्वारा काफी ढूंढने के बाद भी महिला का पता नहीं चल पाया। pic.twitter.com/vrS723Br31— bhUpi Panwar (@askbhupi) April 16, 2025
ମଣିକର୍ଣ୍ଣିକା ଘାଟରେ ସ୍ନାନ କରିବା ସମୟରେ ଜଣେ ମହିଳା ଭିଡିଓ କରିବାକୁ ଗଭୀର ପାଣି ଭିତରକୁ ଯାଇଥିଲେ। ପ୍ରବଳ ସ୍ରୋତ ଯୋଗୁଁଁ ତାଙ୍କ ପାଦ ଖସିଯାଇଥିଲା ଏବଂ ଚାହୁଁ ଚାହୁଁ ସେ ଭାସି ଯାଇଥିଲେ। ଏହି ସମୟରେ ଭିଡିଓରେ ତାଙ୍କ ଝିଅ ‘ମମ୍ମି-ମମ୍ମି’ ବୋଲି ଚିତ୍କାର କରୁଥିବା ଶୁଣିବାକୁ ମିଳୁଛି। ଖବର ଲେଖା ହେବାସୁଦ୍ଧା ମହିଳାଙ୍କ ପତ୍ତା ମିଳିନାହିଁ।
ଅପରପକ୍ଷେ ରିଲ୍ସ ତିଆରି କରୁଥିବା ଲୋକଙ୍କ ବିଷୟରେ ସାମାଜିକ ଗଣମାଧ୍ୟମରେ ଅନେକ କମେଣ୍ଟ କରାଯାଉଛି। ଲୋକେ କହୁଛନ୍ତି ଯେ, ରିଲ୍ସ ଏବଂ ଫଟୋ ପାଇଁ ଲୋକମାନେ ନିଜ ଜୀବନକୁ ବିପଦରେ ପକାଇବାକୁ ପଛାଉ ନାହାନ୍ତି।
