ନୂଆଦିଲ୍ଲୀ: ଏକ ଟଙ୍କା ମୁଦ୍ରା ବହୁତ ଆର୍ଥିକ ଗୁରୁତ୍ୱ ରଖି ନ ପାରେ, କିନ୍ତୁ ଭାରତୀୟ ପରିବାରରେ ଏହାର ମୂଲ୍ୟ ଯଥେଷ୍ଟ ଭାବପ୍ରବଣ। ତେବେ ଏହି ୧ ଟଙ୍କା ମୁଦ୍ରା ତିଆରି ପାଇଁ ୧ ଟଙ୍କାରୁ ଅଧିକ ମୂଲ୍ୟ ଲାଗିଥାଏ। ସୂଚନା ଅଧିକାର ଆଇନରେ ପଚରାଯାଇଥିବା ଏକ ପ୍ରଶ୍ନର ଉତ୍ତର ଦେଇ ଭାରତୀୟ ରିଜର୍ଭ ବ୍ୟାଙ୍କ (ଆର୍ବିଆଇ) କହିଛି ଯେ ୧ ଟଙ୍କା ମୁଦ୍ରା ତିଆରି ପାଇଁ ହାରାହାରି ୧.୧୧ ଟଙ୍କା ଖର୍ଚ୍ଚ ହୋଇଥାଏ। ୧୯୨୨ରୁ ତିଆରି ହେଉଥିବା ଏକ ୧ ଟଙ୍କା ମୁଦ୍ରା ଷ୍ଟିଲ୍ରେ ପ୍ରସ୍ତୁତ ହୋଇଥାଏ। ୨୦୧୫ ଏବଂ ୨୦୧୬ରେ ସର୍ବାଧିକ ୨୧୫୧ ନିୟୁତ ୧ ଟଙ୍କା ମୁଦ୍ରା ପ୍ରସ୍ତୁତ କରାଯାଇଥିଲା। ଗତବର୍ଷ ୯୦୩ ନିୟୁତ ୧ ଟଙ୍କା ମୁଦ୍ରା ପ୍ରସ୍ତୁତ ହୋଇଥିବାବେଳେ ଚଳିତବର୍ଷ ଏହା ହ୍ରାସ ପାଇ ୬୩୦ ନିୟୁତରେ ପହଞ୍ଚିଛି। ଅନ୍ୟପକ୍ଷରେ ୨ ଟଙ୍କିଆ, ୫ ଟଙ୍କିଆ ଓ ୧୦ ଟଙ୍କିଆ ମୁଦ୍ରା ପ୍ରସ୍ତୁତ କରିବାକୁ ଅପେକ୍ଷାକ୍ରୁତ କମ୍ ଖର୍ଚ୍ଚ ହୋଇଥାଏ। ୨ ଟଙ୍କିଆ ମୁଦ୍ରା ପ୍ରସ୍ତୁତ ପାଇଁ ୧.୨୮ ଟଙ୍କା ଖର୍ଚ୍ଚ ହେଉଥିବାବେଳେ ୫ ଟଙ୍କିଆ ମୁଦ୍ରା ପାଇଁ ୩.୬୯ ଟଙ୍କା ଓ ୧୦ ଟଙ୍କିଆ ମୁଦ୍ରା ତିଆରି ପାଇଁ ୫.୫୪ ଟଙ୍କା ଖର୍ଚ୍ଚ ହୋଇଥାଏ। ସେହିପରି ୨ ହଜାର ଟଙ୍କିଆ ନୋଟ୍ ପ୍ରିଣ୍ଟ କରିବା ପାଇଁ ୪ ଟଙ୍କା ଖର୍ଚ୍ଚ ହେଉଥିବାବେଳେ ୧ ହଜାରଟି ୧୦ ଟଙ୍କିଆ ନୋଟ୍ ପ୍ରିଣ୍ଟ କରିବା ପାଇଁ ୯୬୦ ଟଙ୍କା ଖର୍ଚ୍ଚ ହୋଇଥାଏ।
Popular Categories
Previous article
Next article