ସମ୍ବଲପୁର: ସମ୍ବଲପୁରରେ ଦୁର୍ଦ୍ଦାନ୍ତ ଅପରାଧୀ ମହେଶ କୁମାରକୁ ଏନକାଉଣ୍ଟର କରାଯାଇଥିବା ସୂଚନା ମିଳିଛି। ଅଇଁଠାପାଲିରୁ ଜମାଦାରପାଲି ଏୟାରଷ୍ଟ୍ରିପକୁ ଯାଇଥିବା ରାସ୍ତାରେ ମହେଶକୁ ଏନକାଉଣ୍ଟର କରାଯାଇଛି। ଏନକାଉଣ୍ଟରରେ ମହେଶର ବାମ ଗୋଡ଼ରେ ଗୁଳି ବାଜିଛି। ମହେଶ ନିକଟରୁ ବନ୍ଧୁକ ଓ ଗୁଳି ସହ ୪୦ ହଜାର ଟଙ୍କା ପୁଲିସ ଜବତ କରିଛି। ଏକକାଉଣ୍ଟରରେ ଗୋଡ଼ରେ ଗୁଳି ବାଜି ଆହତ ହୋଇଥିବା ମହେଶକୁ ଚିକିତ୍ସା ପାଇଁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିବା ଜଣାପଡ଼ିଛି।
ପୁଲିସ ସୂଚନା ଅନୁସାରେ, ସୋମବାର ଅପରାଧୀ ମହେଶ କୁମାର ବନ୍ଧୁକ ଦେଖାଇ ୪୫ ହଜାର ଟଙ୍କା ଛଡାଇ ନେଇଥିବା ଅଇଁଠାପାଲି ଥାନାରେ ଏକ ମାମଲା ରୁଜୁ ହୋଇଥିଲା। ମଙ୍ଗଳବାର ସକାଳୁ ତାକୁ ଧରିବା ପାଇଁ ପୁଲିସ ପିଛା କରିବା ସମୟରେ ଅପରାଧୀ ମହେଶ କୁମାର ପୁଲିସ ଉପରକୁ ଗୁଳି ଚଳାଇଥିଲା। ଫଳରେ ପୁଲିସ ତାକୁ ଏନକାଉଣ୍ଟର କରିଥିଲା। ଗୁରୁତର ଅବସ୍ଥାରେ ମହେଶକୁ ବୁର୍ଲା ଭୀମସାରକୁ ସ୍ଥାନାନ୍ତର କରାଯାଇଥିବା ନେଇ ସମ୍ବଲପୁର ଏସପି ସୂଚନା ଦେଇଛନ୍ତି।
