ବାସୁଦେବପୁର: ମରଣଯନ୍ତା ପାଲଟିଛି ବାସୁଦେବପୁର-ଧାମରା ରାଜରାସ୍ତା। ରବିବାର ସଡ଼କ ଦୁର୍ଘଟଣାରେ ଦୁଇଜଣଙ୍କ ମୃତ୍ୟୁ ଘଟିଛି। ସୂଚନା ମୁତାବକ, ବାଲିମୁଣ୍ଡା ପଞ୍ଚାୟତ କାଳିଆବୋଦା ଗ୍ରାମର ଚୈତନ୍ୟ ପାଲଙ୍କ ଝିଅ ସୁମିତ୍ରା ପାଲ(୧୪) ବିଦେଇପୁର ମକରମେଳାକୁ ସାଇକେଲ ଯୋଗେ ବୁଲି ଯାଇଥିଲେ। ମେଳାରୁ ଫେରୁଥିବା ରାସ୍ତାରେ ଡିପିଓରାଠାରେ ଏକ ବାଇକ ତାଙ୍କୁ ଧକ୍କା ଦେଇଥିଲା। ସ୍ଥାନୀୟ ଲୋକେ ଚିକିତ୍ସା ପାଇଁ ତାଙ୍କୁ ବାସୁଦେବପୁର ଡାକ୍ତରଖାନାକୁ ନେଇଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି। ସ୍ଥାନୀୟ ଲୋକେ ରାସ୍ତାରୋକ କରିବାପରେ ନାଇକାଣିଡିହ ପୁଲିସ ଖବରପାଇ ଘଟଣାସ୍ଥଳରେ ପହଞ୍ଚି ବୁଝାସୁଝା କରିଥିଲା। ବାଇକ ଆରୋହୀ ଦୁଇଜଣଙ୍କୁ ଥାନାକୁ ନେଇ ତଦନ୍ତ ଜାରି ରଖିଛି ପୁଲିସ।
Comments are closed.