ଅଲିଗଡ—ସହିଦ ଦିବସ ଅବସରରେ ମହାତ୍ମା ଗାନ୍ଧୀଙ୍କ ଚିତ୍ରରେ ହିନ୍ଦୁ ମହାସଭାର କିଛି ସଦସ୍ୟ ଗୁଳି ମାରୁଥିବା ଭିଡିଓ ଭାଇରାଲ ହୋଇଥିଲା । ଏପରି କୁତ୍ସିତ ମାନସିକତାକୁ ଅଧିକାଂଶ ଲୋକ ନିନ୍ଦା କରିଥିଲେ । ଏହି ଘଟଣାରେ ପୁଲିସ ୧୩ ଜଣଙ୍କ ନାମରେ ମାମଲା ରୁଜୁ କରିଛି ।
ଗୁଳି ମାରିବା ଘଟଣାର ୨ ଜଣଙ୍କୁ ପୁଲିସ ଗିରଫ କରିଛି । ଏହି ଲୋକମାନେ ଗାନ୍ଧୀଙ୍କୁ ଫଟୋକୁ ସର୍ବ ସାଧାରଣରେ ଗୁଳି ମାରିଥିଲେ । ଏଥିରେ ମହାସଭାର ସମ୍ପାଦିକା ପୂଜା ସକୁନ ପାଣ୍ଡେ ଥିବାର ଦେଖିବାକୁ ମିଳିଥିଲା । ଆଲିଗଡର ନୌରଙ୍ଗାବାଦ ଅଞ୍ଚଳରେ ଏହି ଘଟଣା ଘଟିଥିଲା ।
