ମୟୂରଭଞ୍ଜ : ମୟୂରଭଞ୍ଜ ଜିଲାର ବିଭିନ୍ନ ଷ୍ଟେସନରେ ‘ହୋ’ ସମାଜ ପକ୍ଷରୁ ରେଳରୋକ କରାଯାଇଛି। ହୋ ସମାଜର କର୍ମକର୍ତ୍ତା ତିନି ଦଫା ଦାବି ନେଇ ସକାଳ ୬ଟାରୁ ବାରିପଦା, ବାଙ୍ଗିରିପୋଷୀ ଓ ରାଇରଙ୍ଗପୁର ଠାରେ ରେଳରୋକ କରିଥିଲେ। ରେଳରୋକ କରିବା ଦ୍ବାରା ରାଇରଙ୍ଗପୁର ପାସେଞ୍ଜର ଟ୍ରେନ କିଛି ସମୟ ପାଇଁ ଅଟକି ରହିଥିଲା। ରାଇରଙ୍ଗପୁର ଷ୍ଟେସନରୁ ଆନ୍ଦୋଳନ ପ୍ରତ୍ୟାହାର କରାଯାଇଥିବା ଜଣାପଡିଛି।
‘ହୋ’ ସମାଜ ପକ୍ଷରୁ ‘ହୋ’ ଭାଷାକୁ ସମ୍ବିଧାନର ଅଷ୍ଟମ ଅନୁସୂଚୀରେ ସାମିଲ କରିବା ସହ ଓଡ଼ିଶାର ଦ୍ୱିତୀୟ ରାଜଭାଷା ମାନ୍ୟତା, ଶିକ୍ଷକ ନିଯୁକ୍ତି ଓ ଅଙ୍ଗନବାଡ଼ିରୁ ବିଶ୍ୱବିଦ୍ୟାଳୟ ଯାଏ ହୋ ଭାଷାରେ ପାଠ୍ୟକ୍ରମ ପ୍ରଚଳନ ଲାଗି ଦାବି କରାଯାଇଛି।
