କଲ୍ୟାଣସିଂହପୁର: ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକରେ ବିଭିନ୍ନ ସ୍ଥାନରେ ବିଶୁଦ୍ଧ ପାନୀୟ ଜଳ ଅପଚୟ ହେଉଥିବା ଦେଖିବାକୁ ମିଳିଛି। ମୁନ୍ଦାଏ ପାଣି ପାଇଁ ଲୋକମାନେ ଆହାକାର ହେଉଥିବାବେଳେ ଏହିଠାରେ ବିଶୁଦ୍ଧ ପାନୀୟ ଜଳ ଅପଚୟ ହେଉଥିବା ଦେଖିବାକୁ ମିଳିଛି। ସଦର ମହକୁମାର ତ୍ରିପାଠୀ ସାହିରେ ଥିବା ପଏଣ୍ଟ ନିକଟରେ ପାଇପ ଫାଟି ବିଶୁଦ୍ଧ ପାନୀୟ ଜଳ ନଷ୍ଟ ହେଉଛି। କିଛି କର୍ମଚାରୀ ଏହା ଦେଖି ସେଥିରେ ଜଏଣ୍ଟ ଲଗାଇଥିଲେ। ତଥାପି ପାଣି ଲିକେଜ୍ ହେବା ବନ୍ଦ ହୋଇନି। ବରଂ ଆହୁରି ଅଧିକ ମାତ୍ରାରେ ପାଣି ବାହାରି ନଷ୍ଟ ହେଉଥିବା ଦେଖିବାକୁ ମିଳିଛି। ସେହି ପାଇପ ଉପରେ ପଥରଗୁଡ଼ିକ ରଖି ଦେଇଛନ୍ତି। ଏହାକୁ ତୁରନ୍ତ ମରାମତି କରିବା ପାଇଁ ସାଧାରଣରେ ଦାବି ହେଉଛି। କାର୍ଯ୍ୟ କରିବାବେଳେ ନିମ୍ନ ମାନର ପାଇପ ଲାଇନ ବିଛାଇ ବସୁଧା ଟାଙ୍କିରୁ ଗ୍ରାମକୁ ବିଶୁଦ୍ଧ ପାନୀୟ ଜଳ ଯୋଗାଣ କରିଥିବାବେଳେ ସେଥିରେ ଅଧିକ ମାତ୍ରାରେ ପାଣି ଯାଉଥିବାରୁ ପାଇପକୁ ଫଟାଇ ଦେଉଛି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି।
Popular Categories
Previous article
Next article