ଜ୍ୟୋତିଷ ଶାସ୍ତ୍ର ଅନୁସାରେ ଶୁକ୍ର ଗ୍ରହଙ୍କୁ ଶୁଭ ଗ୍ରହ ବୋଲି କୁହାଯାଏ । ଶୁକ୍ରଙ୍କୁ ଧନ, ବିଳାସ୍ୟପୂର୍ଣ୍ଣ ଜୀବନ, ଐଶ୍ୱର୍ଯ୍ୟ, ସୁଖ-ସମୃଦ୍ଧି, ଧନ-ସମ୍ପତ୍ତି, ପ୍ରେମ ଓ ବୈବାହିକ ଜୀବନର କାରକ ବୋଲି କୁହାଯାଏ । ଶୁକ୍ର ଗ୍ରହ ଗୋଟିଏ ରାଶିରୁ ଅନ୍ୟ ଏକ ରାଶିକୁ ଚଳନ କରିବା ଦ୍ୱାରା ଏହାର ପ୍ରଭାବ ସମସ୍ତ ରାଶି ବ୍ୟକ୍ତି ବିଶେଷଙ୍କ ଉପରେ ପଡିଥାଏ । ଜ୍ୟୋତିଷ ଶାସ୍ତ୍ର ଅନୁସାରେ ନୂଆବର୍ଷ ୨୦୨୫ରେ ଶୁକ୍ର ଗ୍ରହ ୧୦ ଥର ରାଶି ପରିବର୍ତ୍ତନ କରିବେ । ଜାଣନ୍ତୁ ଏହା ଦ୍ୱାରା କେଉଁ କେଉଁ ରାଶି ହେବେ ଭାଗ୍ୟଶାଳୀ..
ମେଷ – ଏହି ରାଶି ବ୍ୟକ୍ତି ବିଶେଷଙ୍କ ପାଇଁ ଶୁକ୍ରଙ୍କ ଚଳନ ଖୁବ୍ ଖାସ୍ ହେବାକୁ ଯାଉଛି । ଏମାନଙ୍କ ଉନ୍ନତି ହେବା ଆରମ୍ଭ ହେବ । ବ୍ୟବସାୟ ଦୃଷ୍ଟିରୁ ଶୁକ୍ରଙ୍କ ଚଳନ ଶୁଭଫଳ ପ୍ରଦାନ କରିବ । ବ୍ୟବସାୟରେ ଜବରଦସ୍ତ ଲାଭ ମିଳିବ । ନୂଆ ଚାକିରି ସହ ଚାକିରିରେ ପଦନ୍ନୋତିର ଯୋଗ ରହିଛି । ରୋଗରୁ ମୁକ୍ତି ମିଳିବ । ସ୍ୱାସ୍ଥ୍ୟ ଉତ୍ତମ ରହିବ । ଅବିବାହିତ ଯୁବକ ଯୁବତୀଙ୍କ ବିବାହ ସ୍ଥିର ହେବ ।
ବିଛା – ବ୍ୟବସାୟୀଙ୍କୁ ଖୁବ୍ ଲାଭ ମିଳିବ । ମନ ପସନ୍ଦର ଭୂମି କିଣିବେ । କରଜରୁ ମୁକ୍ତି ମିଳିବ । ନୂଆ ଚାକିରିର ଯୋଗ ରହିଛି । ଅବିବାହିତ ଯୁବକ ଯୁବତୀଙ୍କ ବିବାହ ହେବ ।
ଧନୁ – ଜୀବନରେ ସକରାତ୍ମକ ପରିବର୍ତ୍ତନ ହେବ । ଧନ ସହ ଜଡିତ ସମସ୍ୟା ଦୂର ହେବ । ବ୍ୟବସାୟୀଙ୍କ ଆର୍ଥିକ ସ୍ଥିତି ମଜଭୁତ ହେବ । ନୂଆ ଗାଡି କିଣିବାର ଯୋଗ ରହିଛି । ପୈତୃକ ସମ୍ପତ୍ତିରୁ ଲାଭ ମିଳିବ । ସ୍ୱାସ୍ଥ୍ୟ ଉତ୍ତମ ରହିବ । ପରିବାର ସଦସ୍ୟଙ୍କ ସହ ଉତ୍ତମ ସମୟ ଅତିବାହିତ କରିବେ ।
କେଉଁ କେଉଁ ଦିନ କରିବେ ଚଳନ..
୨୦୨୫ରେ ୨୮ ଜାନୁଆରୀ, ୩୧ ମେ’, ୨୯ ଜୁନ୍, ୨୬ ଜୁଲାଇ, ୨୧ ଅଗଷ୍ଟ, ୧୫ ସେପ୍ଟେମ୍ବର, ୯ ଅକ୍ଟୋବର, ୨ ନଭେମ୍ବର, ୨୦ ଡିସେମ୍ବରରେ ଶୁକ୍ର ଗୋଟିଏ ରାଶିରୁ ଆଉ ଏକ ରାଶିକୁ ଚଳନ କରିବେ ।
