ଧାମରା: ଧଳା ଜହର ବ୍ୟବହାରକାରୀଙ୍କ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି। ଏଭଳି ପରିସ୍ଥିତିରେ ଶୁକ୍ରବାର ବାଂଶଡା ପୁଲିସ ୫ ଜଣ ଧଳାଜହର ବ୍ୟବହାରକାରୀଙ୍କୁ ଅଟକ ରଖିଛି। ସୂଚନା ଅନୁଯାୟୀ, ଘଣ୍ଟେଶ୍ୱର ଅଞ୍ଚଳର ୫ ଜଣ ଯୁବକ ଘଂଟେଶ୍ୱରଠାରେ ଏହି ଧଳାଜହରକୁ ବ୍ୟବହାର କରିବାକୁ ଯାଉଥିବାବେଳେ କୌଣସି ସୂତ୍ରରୁ ଖବର ପାଇ ବାଂଶଡା ଥାନାଧିକାରୀ ଦେବରାଜ ସ୍ୱାଇଁ ସେଠାରେ ପହଞ୍ଚି ଏହି ଧଳାଜହରକୁ ଜବତ କରିଥିଲେ। ଏଥିସହ ସେମାନଙ୍କୁ ବାଂଶଡା ଥାନାକୁ ଆଣି ପଚରାଉଚରା କରିଛନ୍ତି। ସେମାନେ ଏହାକୁ ନିୟମିତ ବ୍ୟବହାର କରୁଥିବା କହିବା ସହ ଏହାକୁ ଭଦ୍ରକ ଜିଲାର ବଉଳପୋଖରୀ ଅଞ୍ଚଳରୁ ଆଣୁଛନ୍ତି ବୋଲି କହିଛନ୍ତି। ଏହି ଧଳା ଜହର କିଏ ଆଣି ଦେଉଛନ୍ତି ଅଥବା ସେମାନେ ନିଜେ ଯାଇ ଆଣୁଛନ୍ତି ତାହାର ତଦନ୍ତ ଚଳାଇଛି ପୁଲିସ। ତେବେ ଜବତ ଧଳାଜହରର ପରିମାଣ ଜଣାପଡ଼ିନାହିଁ।
Popular Categories
Previous article
Next article