ନୂଆଦିଲ୍ଲୀ : ରିଲାଏନ୍ସ ଜିଓ ଖୁବ୍ ଶୀଘ୍ର ଏକ ନୂଆ ଫିଚର ଫୋନ୍ ଆଣିବାକୁ ଯାଉଛି । ଜିଓର ନୂଆ ଫିଚର ଫୋନ୍ ଏବେ BIS ସାର୍ଟିଫିକେସନରେ ଦେଖିବାକୁ ମିଳିଛି । ଖାସ୍ କଥା ହେଉଛି ଏହି ଫୋନ୍ ଡୁଆଲ ସିମ୍ ସହିତ ଆସିବ । ତେବେ ସାର୍ଟିଫିକେସନ୍ ଇମେଜରୁ ମାର୍କେଟିଂ ନାଁ ଜଣାପଡୁନି କିନ୍ତୁ ଏହା ଜିଓ ଫୋନ୍ ପ୍ରାଇମା ୨ ଡୁଆଲ ସିମ୍ ସଂସ୍କରଣ ହୋଇପାରେ । ଜିଓଫୋନ୍ ପ୍ରାଇମା ୨ ଡିଏସରେ ବେସ୍ ମଡେଲ ସମାନ ହାର୍ଡଓ୍ବେୟାର ହୋଇପାରେ ଓ ଏଥିରେ ଡୁଆଲ ସିମ୍ ସ୍ଲଟ୍ ମଧ୍ୟ ମିଳିପାରେ । ଡୁଆଲ ସିମ୍ ସଂସ୍କରଣ ଆପଣଙ୍କୁ ଜିଓ ବ୍ୟତୀତ କୌଣସି ଅନ୍ୟ ନେଟଓ୍ବର୍କ ସିମ ବ୍ୟବହାର କରିବାକୁ ଅନୁମତି ଦେବ ।
ଏଥିରେ ୨.୪ ଇଞ୍ଚର ଡିସପ୍ଲେ ରହିବ । ଫୋନରେ ଭିଡିଓ କଲିଂ, ଗୁଗଲ ଆସିଷ୍ଟାଣ୍ଟ, ୟୁଟ୍ୟୁବ୍, ଫେସବୁକ୍, ଜିଓଚାଟ୍ ଓ ଜିଓ ମନୋରଞ୍ଜନ ଆପ୍ ଭଳି ଜିଓସାଭନ୍, ଜିଓସିନେମା ଓ ଜିଓଟିଭି ଭଳି ଫିଚର୍ ସହିତ ଆସିବ । ଫୋନରେ ୨୩ ଭାଷା ସପୋର୍ଟ କରିବ । ବ୍ୟବହାରକାରୀ ଜିଓପେ ୟୁପିଆଇ ବ୍ୟବହାର କରିପାରିବେ । କ୍ୟୁଆର୍ କୋଡ୍ ସ୍କାନ୍ କରିବା ପାଇଁ ମଧ୍ୟ ଫୋନରେ ସୁବିଧା ମିଳିବ ।
