ବାଙ୍ଗିରିପୋଷି: ରାସ୍ତା ଉପରେ ହୁତୁ ହୁତୁ ହୋଇ ଜଳିଗଲା ହାଇଓ୍ବା। ମୟୁରଭଞ୍ଜ ଜିଲା ବାଙ୍ଗିରିପୋଷି-କଳାବାଡ଼ିଆ ରାସ୍ତା ଧଡାଙ୍ଗୀର ଛକ ନିକଟରେ ମଙ୍ଗଳବାର ଏକ ହାଇଓ୍ବା ଗାଡ଼ି ପୋଡ଼ି ପାଉଁଶ ହୋଇଯାଇଛି। ତେବେ ଅଳ୍ପକେ ବର୍ତ୍ତି ଯାଇଛନ୍ତି ହାଇଓ୍ବାର ହେଲପର ଓ ଡ୍ରାଇଭର। ଦିନ ପ୍ରାୟ ୧ଟା ୩୦ ବେଳକୁ ଏକ ହାଇଓ୍ବା ଗାଡ଼ିରେ ପିଚୁ ଲୋଡ୍ ହୋଇଥିବାବେଳେ ରାସ୍ତା ଉପରେ ହଠାତ୍ କୌଣସି କାରଣରୁ ନିଆଁ ଲାଗିଯାଇଥିଲା। ଖବର ପାଇ ବାଙ୍ଗିରିପୋଷି ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ହେଲେ ସେତେବେଳକୁ ହାଇଓ୍ବାଟି ସମ୍ପୂର୍ଣ୍ଣ ପୋଡ଼ି ଯାଇଥିଲା। ଘଟଣାସ୍ଥଳରୁ ଚାଳକ ଓ ହେଲପର ଚମ୍ପଟ ମାରିଥିବାବେଳେ ଗାଡ଼ିର ମାଲିକ କିଏ ଏବଂ କେଉଁଠୁ କେଉଁଆଡ଼କୁ ଯାଉଥିଲା ତାହା ଜଣାପଡ଼ିନାହିଁ। ନିଆଁ ଲିଭାିବାକୁ ଦମକଳ ବାହିନୀକୁ ୧ ଘଣ୍ଟାରୁ ଊର୍ଦ୍ଧ୍ବ ସମୟ ଲାଗିଥିଲା। ରାସ୍ତା ଉପରେ ଠିଆ ହୋଇଥିବା ହାଇଓ୍ବାରେ ନିଆଁ ଲାଗିଥିବା ଯୋଗୁଁଁ କିଛି ସମୟ ଧରି ଯାତାୟତ ବନ୍ଦ ରହିବା ପରେ ପୁଣି ସ୍ବାଭାବିକ ହୋଇଛି।
Comments are closed.