ମାଲକାନଗିରି: ମାଲକାନଗିରି ନକ୍ସଲ ଏନକାଉଣ୍ଟରରେ ଆସିଲା ନୂଆ ମୋଡ଼। ଗତକାଲିଠାରୁ ପୁଲିସ ଯାହାକୁ କୁଖ୍ୟାତ ମାଓବାଦୀ ବୋଲି କହୁଥିଲା ଆଜି ସ୍ଥାନୀୟ ଲୋକେ ତାଙ୍କୁ ଗାଁ ମୁଖିଆ ବୋଲି କହୁଛନ୍ତି। ଯବାନଙ୍କ ଗୁଳିରେ ମୃତ ବ୍ୟକ୍ତି ମାଓବାଦୀ ନୁହେଁ, ବରଂ ଗାଁ ମୁଖିଆ ଏଙ୍କା ସୁନାମ ବୋଲି କହିଛନ୍ତି ସ୍ଥାନୀନ ଲୋକ। ମେଟାଗୁଡା ଗାଁ ମୁଖିଆ ଏଙ୍କା ସୁନାମଙ୍କ ପାଖରେ ରହିଛି ଅନେକ ମାଛ ଧରା ଡଙ୍ଗା। ଏହି ସବୁ ଡଙ୍ଗା ସହାୟତାରେ ସାବେରୀ ନଦୀରେ ମାଛ ଧରନ୍ତି ଏଙ୍କା ସୁନାମ। ସେଥିପାଇଁ ୨୦ ତାରିଖ ରାତିରେ ମାଓବାଦୀମାନେ ଏଙ୍କା ସୁନାମଙ୍କ ଘରକୁ ଆସି ତାଙ୍କୁ ବନ୍ଧୁକ ଦେଖାଇ ଭୟଭୀତ କରିବା ସହ ଡଙ୍ଗାରେ ସାବେରୀ ନଦୀ ପାରି କରିବାକୁ କହିଥିଲେ। ହେଲେ ନକ୍ସଲପନ୍ଥିଙ୍କୁ ଛାଡ଼ିବା ପରେ ଡିଭିଏଫ ଯବାନଙ୍କ ଆଖିବୁଜା ଗୁଳି ଚାଳନାରେ ଏଙ୍କା ସୁନାମଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି। ଏଙ୍କା ସୁନାମଙ୍କ ସ୍ତ୍ରୀ, ଭାଇ ଓ ଗାଁ ଲୋକେ ମାଲକାନଗିରି ଏସପିଙ୍କ କାର୍ଯ୍ୟାଳୟରେ ପହଞ୍ଚି ଦକ୍ଷିଣ ପଶ୍ଚିମାଞ୍ଚଳ ଡିଆଇଜିଙ୍କୁ ଭେଟି ଘଟଣାର ତଦନ୍ତ କରିବା ଲାଗି ଦାବି କରିଛନ୍ତି। ଏହା ସହ ଏଙ୍କା ସୁନାମଙ୍କ ଛୋଟ ଛୋଟ ପିଲା ରହିଥିବାବେଳେ ପରିବାରକୁ କ୍ଷତିପୂରଣ ଦେବା ଲାଗି ମଧ୍ୟ ଗାଁ ଲୋକେ ଡିଆଇଜିଙ୍କୁ ଦାବି କରିଛନ୍ତି।
ନକ୍ସଲ ଏନକାଉଣ୍ଟର ଘଟଣାରେ ନୂଆ ମୋଡ଼, ଯବାନଙ୍କ ଗୁଳିରେ ମୃତ ବ୍ୟକ୍ତି ମାଓବାଦୀ ନୁହେଁ ଗାଁ ମୁଖିଆ
Popular Categories
Previous article
Next article