ସିମୁଳିଆ: ଦକ୍ଷିଣ ପୂର୍ବ ରେଳ ପଥର ନୂତନ କରି ତୃତୀୟ ରେଳ ଧାରଣା ନିର୍ମାଣ କାର୍ଯ୍ୟ ଚାଲୁ ରହିଛି। ବାଲେଶ୍ବର ଜିଲା ସିମୁଳିଆ ବ୍ଳକ ବାଉରିପଦା ପଞ୍ଚାୟତର କୁରୁକୁରିଆ ନିକଟରେ ଥିବା ଏକ ପୋଲର ପାର୍ଶ୍ବରେ ଆଉ ଏକ ପୋଲ ନିର୍ମାଣ କରାଯାଇଛି। ମାତ୍ର ପୋଲଟି କାର୍ଯ୍ୟ ସରୁସରୁ ନିମ୍ନମାନର ଯୋଗୁ ଦକ୍ଷିଣ ପାର୍ଶ୍ୱରେ ଥିବା ଗାର୍ଡୱାଲଟି ସମ୍ପୂର୍ଣ୍ଣ ଭାଙ୍ଗି ଧସି ଯାଇଛି ।
ଫଳରେ ଏହି ରାସ୍ତା ଦେଇ ଯାଉଥିବା ଛାତ୍ରଛାତ୍ରୀ ଓ ଜନସାଧାରଣଙ୍କ ଯିବା ଆସିବା କରୁଥିବାରୁ ସେମାନଙ୍କ ପାଇଁ ଏହା ବିପଦ ସାଜିଛି। ଏହା ଉପରେ ମାଲବାହୀ ଟ୍ରେନ ଯାତାୟତ କଲେ ଯେ କୌଣସି ମୁହୂର୍ତ୍ତରେ ପୋଲଟି ଭାଙ୍ଗି ଯିବାର ଆଶଙ୍କାକୁ ଏଡ଼ାଇ ଦିଆଯାଇପାରିବ ନାହିଁ । ଏହି ପୋଲ ଦେଇ ବାଂଗୁରୁପଦାରୁ ଧାମରା ପର୍ଯ୍ୟନ୍ତ ରାସ୍ତାଟି ଯାଇଥିବାରୁ ବହୁ ଲୋକ ଏହି ରାସ୍ତା ଦେଇ ଯିବା ଆସିବା କରିଥାନ୍ତି। ବିଭାଗୀୟ ଉଚ୍ଚ କତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଇ କାର୍ଯ୍ୟଟିକୁ ତଦାରଖ କରିବା ପାଇଁ ସାଧାରଣରେ ଦାବି ହେଉଛି।
