ଭୁବନେଶ୍ବର : ଆଜି କାର୍ତ୍ତିକ ଶୁକ୍ଳ ଚତୁର୍ଥୀରେ ସମଗ୍ର ରାଜ୍ୟରେ ବିଶେଷତଃ ଦକ୍ଷିଣ ଓଡିଶାରେ ନାଗ ଚତୁର୍ଥୀ ଉତ୍ସବ ପାଳନ ହୋଇଛି । ହିନ୍ଦୁ ଧର୍ମ ଧାରାରେ ବିଭିନ୍ନ ଜୀବଜନ୍ତୁଙ୍କ ଲାଗି ପୂଜା ଆୟୋଜନ ଅନନ୍ତ କାଳରୁ ସୀକୃତ ପ୍ରଥା । ନାଗ ଚତୁର୍ଥୀ ଅବସରରେ ନାଗରାଜ ଦେବତାଙ୍କ ଲାଗି ପୂଜାର୍ଚ୍ଚନା କରାଯିବା ସହ ଭୋଗ ଅର୍ପଣ କରାଯାଇଥାଏ । ଯକ୍ଷ, ଗନ୍ଧର୍ବ ଏବଂ ନାଗଙ୍କୁ ବହୁ ଆଦିମକାଳରୁ ପୂଜା କରାଯାଇଆସୁଛି । ଏଥିପାଇଁ ନାଗ ସର୍ପ ରହୁଥିବା ହୁଙ୍କା ନିକଟରେ ମହିଳାମାନେ ଏକତ୍ରିତ ହୋଇ ଭୋଗରାଗ ଅର୍ପଣ ସହ ତମ୍ବାର ନାଗନାଗୁଣୀ ସ୍ଥାପନ କରି ପୂଜାର୍ଚ୍ଚନା କରିଥାନ୍ତି । ଭୋଗ ସାମଗ୍ରୀ ମଧ୍ୟରେ ନଡିଆ, କଦଳୀ, ଗୁଡ ବିଭିନ୍ନ ପ୍ରକାର ଫଳ ମୂଳ, ଦୁଗ୍ଧ ଅର୍ପଣ କରାଯିବା ସହ ତମ୍ବା ନାଗ ନାଗୁଣୀଙ୍କୁ ଫୁଳମାଳ ଦିଆଯାଇ ସିନ୍ଦୁର ପିନ୍ଧାଯାଇଥାଏ । ନାଗ ପୂଜା କଲେ ସର୍ପ ଦଂଶନ ଯୋଗରୁ ମୁକ୍ତି ମିଳିବା ସହ କରୋନା ଭଳି ରୋଗ ହେବନାହିଁ ବୋଲି ପ୍ରଚଳିତ ବିଶ୍ବାସ ରହିଛି ।
Popular Categories
Previous article
Next article