ନୂଆଦିଲ୍ଲୀ : ମାରୁତି ସୁଜୁକି ଇଣ୍ଡିଆ ଲିମିଟେଡ୍ ନିଜ ମାନେସର ପ୍ଲାଣ୍ଟରେ ୧ କୋଟି ଗାଡି ଉତ୍ପାଦନ କରି ଉଲ୍ଲେଖନୀୟ ଉପଲବ୍ଧି ହାସଲ କରିଛି । ଏହି ସଫଳତା ପରେ ମାରୁତି ସୁଜୁକି ଉପରେ ଭରସା ରଖିଥିବାରୁ ଗ୍ରାହକଙ୍କୁ ଧନ୍ୟବାଦ ଦେଇଛି କମ୍ପାନୀ । ୬୦୦ ଏକରରେ ବ୍ୟାପିଥିବା ମାରୁତି ସୁଜୁକି ମାନେସର ପ୍ଲାଣ୍ଟର ସଞ୍ଚାଳନର ପ୍ରାରମ୍ଭ ଅକ୍ଟୋବର ୨୦୦୬ରେ ଆରମ୍ଭ ହୋଇଥିଲା । କମ୍ପାନୀ ଏହି କାରଖାନାରେ ବ୍ରିଜା, ଆର୍ଟିଗା, ଏକ୍ସଏଲ୬, ସିୟାଜ, ଡିଜାୟର, ଓ୍ବାଗନଆର୍, ଏସ-ପ୍ରେସୋ ଓ ସେଲେରିଓ ପ୍ରସ୍ତୁତ କରୁଛି ।
ମାରୁତି ସୁଜୁକିର ଜାପାନକୁ ସପ୍ଲାଇ ହେଉଥିବା ପ୍ରଥମ ଯାତ୍ରୀବାହୀ କାର୍ ବଲେନୋର ଉତ୍ପାଦନ ଏହି କାରଖାନାରେ ହୋଇଥିଲା । ମାରୁତି ସୁଜୁକିର ସମୁଦାୟ ଉତ୍ପାଦନ କ୍ଷମତା ପ୍ରାୟ ୨.୩୫ ମିଲିୟନ୍ ୟୁନିଟ୍ ପ୍ରତି ବର୍ଷ । ସ୍ଥାପନ ହେବା ପରଠୁ କମ୍ପାନୀ ଆଜି ପର୍ଯ୍ୟନ୍ତ ୩.୧୧ କୋଟିରୁ ଅଧିକ ଗାଡି ପ୍ରସ୍ତୁତ କରିସାରିଛି ।
