ସମାଜ ଡିଜିଟାଲ ଡେସ୍କ: ଓ୍ବାକଫ ବୋର୍ଡ ଆଇନ ୧୯୯୫କୁ ସଂଶୋଧନ କରିବାକୁ କେନ୍ଦ୍ର ସରକାର ପ୍ରସ୍ତାବ ଦେବା ପରଠାରୁ ଏହାକୁ ବିଭିନ୍ନ ମୁସଲମାନ ସଂଗଠନ ପକ୍ଷରୁ ବିରୋଧ ଜାରି ରହିଛି। ଏପରି କି କିଛି ସଂଗଠନ ଏବଂ ନେତା ଏହା ବିରୋଧରେ ବିଭ୍ରାନ୍ତିକର ମନ୍ତବ୍ୟ ଦେଉଛନ୍ତି। କିଛିଦିନ ତଳେ ମୁକେଶ ଅମ୍ବାନୀଙ୍କ ଘର ଆଣ୍ଟିଲିଆ ଓ୍ବାକଫ ବୋର୍ଡ ଜମି ଉପରେ ନିର୍ମାଣ ହୋଇଥିବା ଜଣେ ମୁସଲମାନ ନେତା ଦାବି କରିବା ପରେ ବର୍ତ୍ତମାନ ନୂଆ ସଂସଦ ଭବନ ବି ଓ୍ବାକଫ ଜମିରେ ତିଆରି ହୋଇଥିବା ଦାବି କରିଛନ୍ତି ଆସାମର ଜମିୟତ ଉଲେମା ମୁଖ୍ୟ ତଥା ଏଆଇୟୁଡିଏଫ ନେତା ମୌଲାନା ବଦରୁଦ୍ଦିନ ଅଜମଲ। ଓ୍ବାକଫ ବିଲ ଉପରେ ନିଜର ଅସନ୍ତୋଷ ପ୍ରକାଶ କରି ସେ କହିଥିଲେ, ସମସ୍ତ ଧର୍ମନିରପେକ୍ଷ ରାଜନୈତିକ ଦଳ ଏହ ବିଲ୍ର ସମୀକ୍ଷା ପାଇଁ ଗଠିତ ଯୁଗ୍ମ ସଂସଦୀୟ କମିଟି(ଜେପିସି)ର ବହିସ୍କାର କରିଛନ୍ତି। ୫ କୋଟି ଲୋକ ଜେପିସିକୁ ଚିଠି ଲେଖି ଏହାର ବିରୋଧ କରିଛନ୍ତି ବୋଲି ସେ କହିଛନ୍ତି।
Comments are closed.