ଭବାନୀପାଟଣା: ଆଜି ମହାନବମୀ ତିଥିରେ ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଳନ କରାଯାଉଛି। ଗୁରୁବାର ରାତିରେ ମନ୍ଦିରରେ ସନ୍ଧି ପୂଜା ପରେ ମା’ଙ୍କ ପ୍ରତୀକ ଛତରକୁ ସହର ଉପକଣ୍ଠ ଜେନାଖାଲକୁ ନିଆଯାଇଥିଲା। ସେଠାରେ ଗୁପ୍ତ ପୂଜା ପରେ ଭୋର୍ ୪ଟା ୩୯ ମିନିଟରେ ମା’ଙ୍କ ଛତର ମନ୍ଦିର ଅଭିମୁଖେ ବାହାରିଛନ୍ତି। ସକାଳ ୭ଟା ସୁଦ୍ଧା ଆରଇଓ କଲୋନୀ ୟୁପି ସ୍କୁଲ୍ ନିକଟରେ ମା’ଙ୍କ ଛତର ପହଞ୍ଚିଛନ୍ତି। ମନ୍ଦିର କୁ ମା’ଙ୍କୁ ପାଛୋଟି ନେବାକୁ ବହୁ ସଂଖ୍ୟାରେ ଘୁମୁରା, ବଜାସାଲ, ଘଣ୍ଟ ଘଣ୍ଟା ଦଳ ଏହି ପଟୁଆରରେ ସାମିଲ୍ ହେଇଛନ୍ତି। ରାଜରାସ୍ତାରେ ମା’ଙ୍କ ଦର୍ଶନ ପାଇଁ ଜିଲ୍ଲା ତଥା ଜିଲା ବାହାରୁ ଲକ୍ଷାଧିକ ଭକ୍ତ ଭବାନୀପାଟଣାରେ ଏକତ୍ରିତ ହୋଇଛନ୍ତି। ଶାନ୍ତି ଶୃଙ୍ଖଳା ରକ୍ଷା ପାଇଁ ୧୫ ପ୍ଲାଟୁନ ପୋଲିସ ମୁତୟନ କରାଯାଇଛି। ଆଜି ମନ୍ଦିରରେ ଛତର ପହଞ୍ଚିବା ପରେ ବିଧି ଅନୁସାରେ ପୂଜାର୍ଚ୍ଚନା କରାଯିବ। ପରେ ମା’ ମାଣିକେଶ୍ଵରୀ ନିଜେ ନୂଆଁ ଖାଇବା ସହିତ କଳାହାଣ୍ଡି ରାଜ ପରିବାର ଓ ବାବୁ ପରିବାରର ସଦସ୍ୟ ନୂଆଁ ଖାଇବାର ପରମ୍ପରା ରହିଛି।
Comments are closed.