ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଅନେକ କାର୍ ଭିଡିଓ ଭାଇରାଲ ହୋଇଥାଏ । ଏବେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଏକ ଲାମ୍ବୋରଗିନି ନଜର ଆସୁଛି । ଏକ୍ସରେ ସେୟାର କରାଯାଇଥିବା ଭିଡିଓରେ ତେଲଙ୍ଗାନାର ଖରାପ ରାସ୍ତା ନଜର ଆସୁଛି । ରାସ୍ତାରେ ଏକ ଲାମ୍ବୋରଗିନି ଖାଲ ଖମା ରାସ୍ତା ଦେଇ ଗତିକରୁଛି । କାରର ଗ୍ରାଉଣ୍ଡ କ୍ଲିୟରାନ୍ସ କମ୍ ହୋଇଥିବାରୁ ଗାଡିକୁ ଯାତ୍ରା କରିବା ପାଇଁ ବହୁତ ସଂଘର୍ଷ କରିବାକୁ ପଡୁଛି । ସାମାଜିକ ଗଣମାଧ୍ୟମରେ ଏହି ଦୃଶ୍ୟର ଭିଡିଓ ଭାଇରାଲ ହେଉଛି ।
He must have Paid atleast 62 Lacs in Road Tax 🤡🤡🤡
Absolute State of Vishwagooroo 😞 pic.twitter.com/6gDu1EpchQ
— Oxygen 💨 (@WhateverVishal) September 24, 2024
ଏକ୍ସରେ ସେୟାର ହୋଇଥିବା ଭାଇରାଲ ଭିଡିଓରେ ଗାଡିଟି ନଜର ଆସୁଛି । ମାତ୍ର କିଛି ସେକେଣ୍ଡର ଏହି ଭିଡିଓରେ ନାଲି ରଙ୍ଗର ଲାମ୍ବୋରଗିନି ଯାଉଥିବା ଦେଖିବାକୁ ମିଳୁଛି । ଭିଡିଓର କ୍ୟାପ୍ସନରେ ଲେଖାଯାଇଛି କି ‘ଗାଡି ମାଲିକ ରୋଡ ଟ୍ୟାକ୍ସ ରୂପେ ଅତି କମରେ ୬୨ ଲକ୍ଷ ଟଙ୍କା ନିଶ୍ଚୟ ଭରିଥିବ ।’ ଭିଡିଓରେ ପ୍ରତିକ୍ରିୟା ରଖି ୟୁଜରମାନେ ଭିନ୍ନ ଭିନ୍ନ ମତ ଦେଉଛନ୍ତି । କିଛି ୟୁଜର ସରକାରଙ୍କୁ ଏମିତି ରାସ୍ତା ପାଇଁ ଦୋଷ ଦେଉଛନ୍ତି। ସମସ୍ତେ ଏହାକୁ ପସନ୍ଦ କରିବା ସହ ସେୟାର କରୁଛନ୍ତି ।
