ଗ୍ରହଙ୍କ ରାଜକୁମାର ବୁଧ ରାଶି ପରିବର୍ତ୍ତନ କରି ସିଂହ ରାଶିରେ ପ୍ରବେଶ କରିଛନ୍ତି । ପୂର୍ବରୁ ହିଁ ଗ୍ରହଙ୍କ ରାଜା ସୂର୍ଯ୍ୟ ଏଠାରେ ବିରାଜମାନ କରିଛନ୍ତି । ଫଳରେ ସିଂହ ରାଶିରେ ବୁଦ୍ଧାଦିଥ୍ୟ ଯୋଗ ସୃଷ୍ଟି ହେଉଛି । ଏହି ଯୋଗ ୪ ରାଶି ବ୍ୟକ୍ତି ବିଶେଷଙ୍କ ଭାଗ୍ୟ ବଦଳାଇବ । ଖୁବ୍ ଶୁଭ ଫଳ ପ୍ରାପ୍ତି ହେବ।
ଜ୍ୟୋତିଷ ଶାସ୍ତ୍ର ଅନୁସାରେ, ପ୍ରତ୍ୟେକ ଗ୍ରହ ନିଶ୍ଚିତ ସମୟରେ ରାଶି ପରିବର୍ତ୍ତନ କରି ଥାଆନ୍ତି । ୪ ସେପ୍ଟେମ୍ବର ୨୦୨୪ରେ ବୁଧ ଗ୍ରହ ସିଂହ ରାଶିରେ ପ୍ରବେଶ କରି ସାରିଛନ୍ତି । ଫଳରେ ସିଂହ ରାଶିରେ ସୂର୍ଯ୍ୟ ଓ ବୁଧ ଏକାଠି ହୋଇ ବୁଦ୍ଧାଦିତ୍ୟ ରାଜଯୋଗ ସୃଷ୍ଟି ହେଉଛି । ଏହି ଯୋଗ ଖୁବ୍ ଖାସ୍ କାରଣ ସୂର୍ଯ୍ୟଙ୍କ ରାଶି ସିଂହରେ ହିଁ ଏହି ଯୋଗ ସୃଷ୍ଟି ହୋଇଛି।
ଏହି ଯୋଗର ପ୍ରଭାବ ସମସ୍ତ ରାଶି ଉପରେ ପଡିବ । ମାତ୍ର ୪ ରାଶି ବ୍ୟକ୍ତି ବିଶେଷଙ୍କ ଭାଗ୍ୟ ସୁନା ଭଳି ଚମକିବ । ବୁଧ ସେପ୍ଟେମ୍ବର ୨୮ ପର୍ଯ୍ୟନ୍ତ ସିଂହ ରାଶିରେ ରହିବେ । ଏହାଦ୍ୱାରା ୪ ରାଶି ବ୍ୟକ୍ତି ବିଶେଷଙ୍କୁ ଖୁବ୍ ଲାଭ ମିଳିବ ।ଜାଣନ୍ତୁ ସେହି ଭାଗ୍ୟଶାଳୀ ରାଶି ବିଷୟରେ..
ମେଷ – ମେଷ ରାଶି ବ୍ୟକ୍ତି ବିଶେଷଙ୍କୁ ଧନ ଲାଭ ହେବ । କର୍ମକ୍ଷେତ୍ର ପାଇଁ ସମୟ ଉତ୍ତମ । ମାନ-ସମ୍ମାନ ବୃଦ୍ଧି ହେବ । ଉନ୍ନତି ହେବା ସହ ସଫଳତା ମିଳିବ । ଛାତ୍ରଛାତ୍ରୀଙ୍କ ପାଇଁ ସମୟ ଅନୁକୂଳ ରହିଛି।
ଏହି ୫ଟି କାରଣରୁ ଶୀଘ୍ର ବଢିଥାଏ ମହିଳାଙ୍କ ଓଜନ, ଆପଣ ବି କରୁ ନାହାଁନ୍ତି ତ ଭୁଲ୍..
ସିଂହ – ଏହି ରାଶି ବ୍ୟକ୍ତି ବିଶେଷଙ୍କୁ ଶୁଭ ଖବର ମିଳିବ । ଅଟକି ଥିବା କାର୍ଯ୍ୟରେ ସଫଳତା ମିଳିବ । ଘରେ ହସଖୁସିର ବାତାବରଣ ରହିବ।
ତୁଳା – ତୁଳା ରାଶି ବ୍ୟକ୍ତି ବିଶେଷ ପ୍ରେମ ସମ୍ପର୍କ ପାଇଁ ସମୟ ଅନୁକୂଳ ରହିଛି । ବିବାହ ସ୍ଥିର ହୋଇପାରେ । ଧନ ଲାଭ ହେବ । ମାତ୍ର ଖର୍ଚ୍ଚାନ୍ତ ହୋଇ ପାରନ୍ତି । ଚିନ୍ତା ଦୂର ହେବ ।
କୁମ୍ଭ- ଅଟକି ଥିବା କାମ ପୂରଣ ହେବ । ହଠାତ୍ ଧନ ଲାଭ ହେବ । ବୈବାହିକ ଜୀବନ ସୁଖମୟ ହେବ।
