ଲସ୍ ଆଞ୍ଜେଲ୍ସ ଭୂମିରେ ବଡ ଫାଟ, କାହିଁକି ଦବୁଛି ଆମେରିକାର ଏହି ସୁନ୍ଦର ସହର ?

ନୂଆଦିଲ୍ଲୀ : ଆମେରିକା କାଲିଫୋର୍ଣ୍ଣିଆର ଲସ୍ ଆଞ୍ଜେଲସ ସହରରେ ଅନେକ ହଲିଉଡ ତାରକା ବାସ କରନ୍ତି । ବର୍ତ୍ତମାନ ସହରରେ ଏକ ବଡ ସମସ୍ୟା ଦେଖାଦେଇଛି । ସହରର କିଛି ଅଞ୍ଚଳରେ ଭୂମି ଦବିଯାଇଛି ଏବଂ ବଡ ବଡ ଫାଟ ଦେଖାଦେଇଛି ।

ଏହି ଫାଟ ଓ ମାଟି ଦବିଯିବା ଯୋଗୁଁ କିଛି ପ୍ରାୟ ୫୪ ଘରକୁ ଗ୍ୟାସ୍ ସପ୍ଲାଇ ହୋଇପାରୁନି । ସେହି ସ୍ଥାନମାନଙ୍କରେ ହିଁ ଭୂମି ଧିରେ ଧିରେ ଅଧିକ ଖସୁଥିବା ନଜର ଆସୁଛି । ଭୂମି ଧସିବା ଯୋଗୁଁ ଗ୍ୟାସ୍ ପାଇପଲାଇନ୍ ଭାଙ୍ଗିପାରେ ଏବଂ ଘରେ ନିଆଁ ଲାଗିଯିବା ଆଶଙ୍କାରେ ଗ୍ୟାସ୍ ସପ୍ଲାଇ ବନ୍ଦ କରିଦିଆଯାଇଛି । ରେଞ୍ଚୋ ପାଲୋସ ବର୍ଦେସ ଅଞ୍ଚଳରେ ଅଧିକ ଫାଟ ହୋଇଥିବା ଦେଖିବାକୁ ମିଳିଛି । ଏଠାରେ ୧୨ରୁ ଅଧିକ ଘରେ ବିଜୁଳି ସଂଯୋଗ କାଟିଦିଆଯାଇଛି ।

ଡ୍ରୋନରେ ନିଆଯାଇଥିବା ଭିଡିଓରେ ସହରର ଅନେକ ଅଞ୍ଚଳରେ ଫାଟ ଦେଖାଯାଉଛି । ଅନ୍ୟପଟେ କାଳେ ଆଗକୁ ଭୂକମ୍ପ ଆସିପାରେ ସେନେଇ ବୈଜ୍ଞାନିକମାନେ ନଜର ରଖୁଛନ୍ତି । କହିରଖୁଛୁ ସାଧାରଣତଃ ପାହାଡ ତଳେ ଥିବା ଘାଟୀ ଅଞ୍ଚଳରେ ଏମିତି ଦେଖିବାକୁ ମିଳିଥାଏ ।